Yesu Kokoyi A kiya Beyi Sedeka
1 <<Yesu pala nkye kede ku yi ANKI ku ni gangasi de ntani su geni ku, de su yobo ku. Nde ku yi yomu, Kwa mani nani wuta anya adaa ku Mirikisi bisi ba.
2 <<Nde kwa ba nsu worede sua bila mbo da anya ku, kede ku wula tapire nsu yiride nsu munabuki sua yi a kolonwa nja kiya turiki, de ntani su yobo su. Na gye ku gaskye su keleba nani wuta su naka. 3 Sede nde ka ba nsu de manshi ba, kede kisa ntani su shina mbo de ka beyi ba, 4 Sobon mbo de kwa beyi e ma riripe. Anya ni Adaa aku de yaa geni a riripe, yaa ba ku nani wuta ku.
Kokoyi A kiya Ni Lepa
Lk 11.2-4
5 <<Kwanki de kwa yi lepa, kede ku ma kankye munabuki, Sua bila de su sakisi a bisi a kolonwa nja kiya turiki de ntani su geni su. Na pala gye ku gaskye, su keleba nani wuta naka. 6 Sede nde ka yi lepa, te siki laki ke, de ripe kopa de ki yi lepa nja Adaa, e shi de ka geni yi ba. Anya ni Adaa nde yaa te geni mbode ka yi riripe, a ba ke nani wuta ke.
Kokoyi A kiya Azimi
16 <<Kwanki de kwa yi azimi, kede ku domuna ndani kankye yiri de munabuki sua yi, sua domuna ndani de ntani su shina, nkye sua yi azimi. Na gye ku gaskye, su keleba nani wuta asu naka. 17 Sede kwanki de kwa yi azimi, wonkye ndani de ku shapa mayi a kiya ku. 18 Nkaa kede ntani su shina ka yi azimi, sede Adaa ke de sua geni yi ba; nja Adaa ke, e shi de yaa geni mbo geni ka yi a boyi, yaa ba ke nani wuta ke.
Lk 12.33,34