1 Nsum eshiya ma takada tariyi ni nsu adaatolo Yesu Kiristi, juriya ni Dowuda, de ma dege juriya ni Abireyi.

2 Abireyi ema adaa ni Ishaku, Ishaku ema adaa ni Yakubu, Yakubu ema adaa ni Yawuda nja yayuwa yi; 3 Yawuda e shiya ema adaa ni Periza nja Zera, de amaa su ema Tama, Periza ema adaa Yeziron, Yeziron ema adaa ni Aram, 4 Aram ema adaa ni Aminada, Aminada ema adaa ni Nashon, Nashon ema adaa ni Salmo, 5 Salmo ema adaa ni Boaza de amaa yi ma Rahab, Boaza ema adaa ni Obadiya amaa yi ema Rutu, Obadiya ema adaa ni Yesi, 6 Yesi ema Adaa ni seleki Dowuda. Dowuda ema adaa ni Sulemanu de amaa yi ema mata ni Wuriya, 7 Sulemanu ema adaa ni Rehebuwa, Rehebuwa ema adaa ni Abiya, Abiya ema Adaa ni Asa, 8 Asa ema adaa ni Yehoshepa, Yehoshepa ema adaa ni Yaram, Yaram ema adaa ni Azariya, 9 Azariya ema adaa ni Yota, Yota ema adaa ni Ahazi, Ahazi ema adaa ni Ezikiye, 10 Ezikiye ema adaa ni Manase, Manase ema adaa ni Amo, Amo ema adaa ni Yosiya, 11 Yosiya ema adaa ni Yekoniya nja yayiwa yi kwanki de su ka yi su ta kesa Babila, 12 Kwanki de su kwa yi su ta Babila, Yekoniya ema adaa ni Sheyatiye, Sheyatiye ema adaa ni Zerubabe, 13 Zerubabe ema adaa ni Abiwudu, Abiwudu ema adaa ni Eliyaki, Eliyaki ema adaa ni Azuro, 14 Azuro ema adaa ni Saduku, Saduku ema adaa ni Akimu, Akimu ema adaa ni Aliyudu, 15 Aliyudu ema adaa ni Eliyazara, Eliyazara ema adaa ni Mata naa, Mata naa ema adaa ni Yakubu, 16 Yakubu ema adaa ni Yusupu, de ema minzi ni Meremu amaa Yesu, de sua sukwa yi nkye Kiristi.

17 Kode nkye, juriya butu a kiya Abireyi ta Dowuda, ema juriya gom sha wuru, butu a kiya Dowuda ta kwanki de su kwa yi Izireyila ta bowuta a Babila, su ma juriya gom sha wuru, butu a kwanki bowuta a Babila ta kwanki de su yapu kiristi juriya gom sha wuru.

18 Yomuna su yapu Yesu kiristi. Kwanki de Yusupu mase sari yi Meremu amaa ni Yesu, tunde e abenshi a gizi yi woba, na ema a siki butu anya Aworo Nsuseki. 19 Yusupu minzi sari yi ema nse gangasi, sede yaa bila de beyi kumnya a geba ntani ba, yaa bila de e shika yi a boyi.

20 De ema kiya tunani mu, meleku ni Mirikisi gye Yusupu a siki nansi, nkye, <<Yusupu yaa ni Dowuda, kede ki zi womba ni la Meremu de ema mata ke, nkaa siki de e manshi butu anya ni Aworo Mirikisi la. 21 Yaa yapu Yaa, yaa beyi seni Yesu, sobon e shiya yaa sila ntani yi dege siki lepi.>>

22 Guru mbo mu paru de beta Mirikisi de e pala a baki Anebi Ishaya nkye: 23 <<Yaa mase de puari nse minzi ba yaa man siki yaa yapu Yaa, sua sa yi seni nkye Imanuwe.>> Maana yi ema, <Mirikisi ma nja mu.>>

24 Anya ni de Yusupu dege a kwana e yi mbode meleku Mirikisi gye yi anansi nkye, Meremu e shiya ma mata yi. 25 Sede E taba shina yi ba, kami de e yapu yaa ni. E sa yi seni Yesu.