1 A beyi nana asibi, nsasape nana peri, meremu dege magadaliya nja woni Meremu su te de su kone kumsha

2 Dandani su yi totolo juru kesa, se meleku ni Obagizi zo dege bisi, e kiri dunsi a baki kumsha, se zunwa a kiya yi. 3 Keikei yi ma periperi kankye oruru. 4 Nsu kpanku su zi womba yi na su birikita na su kwakwana ka ke gan ni ntani.

5 Meleku beta nja mata. <<Kede ku zi womba, Eni shina nkye kwa bila Yesu la, nsu de su sa yi a bisi gidiri. 6 E shi ma anya mu ba; E shi a dege, yiride a gye ku. Zo de ku geni anya de kwana. 7 Se ku te seseberi de ku gye yayagizi e yi: <E shi de dege nleyi yaa rigye ku geba ta Galili. Anya ni kwa geni yi.> Kuzukam Ni gye ku.>>

8 Se mase ni yi seberi bila kumsha, ni womba sede e mani perisiki, se e yi gudu te gye yayagizi yi.

9 De Yesu gomu nja su. E gye su nkye<<gesuwa,>> Su zo anya yi, na su dunkye a seni yi na su bayi girima. 10 Se Yesu gye su nkye, <<Kede ku yi womba. te de ku gye yayuwa na de su te a Galili; anya ni sua geni.>>

11 De mata worosu mu ma turiki asu, na nsu kone kumsha yuru atotolo geri na su beyi manki gye tolense pirisi guru mbo de e paru. 12 De tolense pirisi nja toree ntani su tala su yi showura, na su ba shoja gyolo nyowa, 13 su gye su, <<Ku pala nkye yayagizi e yi na su zo ndederi na su leyi mbolowa de mua yi kwana. 14 Nde manki mu bise a kuni gomuna, mua keleba baki ku nkye ku shina ni mbodaa ba, mua butu ku a siki ngala.>>

15 Nsu kpanku keleba gyolo su yi yiri de su gye su. Se manki mu kakada a siki ntani Yawudawa ari kuzukam.

16 De yayagizi gom sha daa te a Galili a ogbo de Yesu gye su nkye su te. 17 De su geni Yesu su bowuta yi se worosu asu yi shaka. 18 Se Yesu zo anya su nkye, <<Guru yiko a bisi nja kisi su ba ni 19 Sobon yomu ku te de ku gye ntani guru de su ma yayagizi na, ku yi su tunkwasa a siki seni adaa nja ni Yaa nja ni Aworo Nsuseki, 20 nja de ku kokoyi su de su biya guru doka de ni ba ku. E ni na ma nja ku kowon kwanki, ari karishe durinya.>>