1 Odotikaa Maxaafa 24

Qeesoleti Qoddo

1 Aaroonixxe oose’a uuneek qoobi konneechchinn butti’a hedheen.

Aaroonixxi oose Naadab, Abihu, Ali’aazaarinna Itamaaritemman. 2 Naadabinna Abihu kinn sanne sa’isse’nebaang anni insa’nek reyeba edi darre renne; Tennexxee Ali’aazaarinna Itamaari qeesummat ergatemaamman. 3 Daawwitinna Ali’aazaarik sannek Saadooqinna Itamaarixxe sannek Abemelek isoo gargaara’n huje insa’nexxik qoobbishshann qofi qofittinni fo’a’ni dhaabe. 4 Itamir irra Ali’aazaarixxe sanne giddii’n heddo akeekisano leelite; qoobi insa’nekinna konneechchi butta hedheen: Ali’azarixxe sannuwwanaa’n tommenna jaane mini hadik sooreessuwwi; Itamaarixxe sannuwanaa’ni saddeeta mini hadik sooreessuwwi. 5 Ali’aazaarixxenna Itamaarixxe sannuwwaxxe oddo’ni galmiinxi akeekisanonna Mageniinka ja’laabuwwa he’nemaxxe’e gamatabelo insa’nee hixiki foone.

6 Leewwitot giddii’n Natina’eelik belt borreessanji Shamaya, moyanji edonna ja’laabuwwa: qeesichcho Saadooqinna Abiyataarika belto Abemelek edo, qeesoletikenna Leewwitotike mini mini haduwwike akeekisanjuwwi edo mitte hixa Itamaarike mini hadi giddii’n Ali’aazaari’n mitte hixa kinni Itamaari’n borreesse.

7 Siretik hixi Yihou’yaraabi’a, langaba Yeda’iya ibe;

8 Sakkak Haarimi’a, sholgak Si’orimi’a,

9 Ondik Melikiya, jiyak Miyamine’a;

10 Torbak Aqoosi’a, saddeetik Abiya’a,

11 Salanik Iyasu’a, tommeessok Sekeniya;

12 Tommenna mitteessok Eliyaashibi’a, tommenna langeessok Yaqemi’a,

13 Tommenna sakkeessok Oopha’a, tommenna sholgeessok Hupha;

14 Tommenna ondeessok Biligaa, tommenna jiyake Imeeri’a

15 Tommenna torbeessok Hezi’eer, tommenna saddeeteessok Hapitseetsi

16 Tommenna sallaneessok Hafetaya’a, lame tommeessok Beyiheziqeeli’a,

17 Lame tommenna mitteessok Yihoyaarib’a, lame tommenna langak Yida’iyya’ni akeekemak,

18 Lame tommenna sakkeessok Delaaya, lame tommenna sholgeesok Me’aziyaa’a ibe.

19 Isira’eelik Duuchchi Woddike Gootti Mageni edike anna insa’neke Aarooni darree’ni insa’ne’a kulemake ajajemmashshann Duuchchi Woddike Goottike galmi giddi’a e’yanaa woddixxi aada murendeexxi konne qicinnitemman.

Wele Gatteexxi Leewwito

20 Gatteexxe Leewwixxi sannenaa’ni kinn;

Inberimixxe labbaxxe oosenaa’ni; Suba’eli’i

Suba’elixxe labbaxxe oosenaa’ni Yehideya.

21 Re’abiyaxxe labbaxxe oosenaa’ni akeekisanji Yushiya.

22 Yitsiharchchotixxe gamona’n Seloomiti

Seloomitixxe labbaxxe oosenaa’ni Yahaati.

23 Kebiiroxxi labbaxxi oose; siretik Yiriya, langak Amaariya, sakkaki Yahazi’eeli, sholgak Yiqami’ami.

24 Uzi’eelik belti Miika,

Miikaxxe labbaxxe oosenaa’ni Shaamire.

25 Miikaki dayyi Yishiya;

Yushiyaaxxe labbaxxe oosenaa’ni Zekkariyasi.

26 Meeraarixxi labbaxxi oose Mahili, Muushi.

Yaa’iziyaki labbak belti Beeno.

27 Meeraarixxi labbaxxi oose;

Yaiziyaam Beeno, Shohaami, Zakuur, Eebiri.

28 Mahilixxena’n Ali’aazaar, kunni manjichchi labbaxxa oose i’leemmabaan.

29 Qiisixenaa’ni Qiisik labbak belti Yirahimeeli.

30 Muushixxi labbaxxi oose

Mahili, Eedare, Yaarmuti.

Kunniir yoona mini mini insa’nekishshann laakko’emeek Leewwitotemman.

31 Dayyuwwi insa’nek Aaroonixxi sanne assitemmashshann kunnirinna moyanjo Daawwiti’n, Saadooqi’n, Abemeleki’ni, ittanni qeesoletixxinna Leewwotiinxi mini hadik akeekisanjuwwi hedheeba hixa welaanni wel ibinse; angafink mini hadinna maa’ni dayyike mini hadixxa qixxe insa’ne’anna hixi ibe.