1 Galmiinxa hula heqa'neke heqqanjuwwixxa dhaaba: Qorawitotixxe gosanaa'ni; Asaafixxe labbaxxe oosuwwa giddi'ni mitti Qoreki labbak belti Meesulamitemman.

2 Meesulaminna labbaxxa oose afeemman;

siretik Zekkariyasi, langak Yidi'eeli, sakkaki Zebadiya, sholgak Yatini'eeli, 3 Ondik Elami, jiyak Yehohanane, torbak Eliyeho'enaayiniten.

4 Oobeedi Edoominna konneechchinn butti'a hexxeexxa labbaxxa oose afeemman;

siretik Shemaaya, langak Yuzabati, sakkaki Yo'ahi, sholgak Saakare, ondik Natina'el,

5 Jiyak Ami'eli, torbak Yisakoor, saddeetik Pilaati; Magenikinna Oobeedi Edoomii eebiseen.✝

6 Ittanni belti isiki Shemaya labbaxxa oose afeemman; insa'nenna ege'na lumoxxa anfeemmaxxee ifixxe gosa'n sooreessummat akeenkaamman.

7 Shemayaxxi labbaxxi oose; Otini, Rafi'el, Obedi, Elizabadi; firi isik Elihunna Semakiyamiri jabaxxa ege'na anfeemman. 8 Kunniir duuchchi Oobeedi Edoomixxe sanne kandaa wodda; insa'nenna kando labbaxxi oose insa'nexxinna firi insa'nek duuchchi huje hujaaxxa jabaxxa ege'na anfeemman. Obedi Edoomixxi sanne madada jaane tommenna lametemman.

9 Meesulaami ege'na lomoxxa affeexxa labbaxxa oosenna fira afeemman; laakkossi insa'nekinna 18.

10 Meeraarixxe gosana'ninna shoole labbaxxa oose afeemmak Hoosate hinaak manjichchi hedhemman; oose isixxinna siretik Shemeritemman; angafa beltonna kada gophoole midde; anni isik murroonsemman. 11 Langak Helqiyaasi, sakkaki Xebaliya, sholgak Zekariyaasi, madadi Hoosa'axxi labbaxxi oosenna mini hadi tommenna sasekemman.

12 Galma heqqamakiir mini miniinshann aanchik qoqqoodemmeemman; insa'nenna wele leewwawitoshshann galmi giddo ergatema'neexxa hujetixxa dhaaba anfeemman. 13 Geericho, ka'untichcho midde hinebaang duuchchiinge qixxe hixi ibe.

14 Selemiya boroti darrexxa hula heqqaashsha hixi ibe; Okko'ni duuchchi wodda eloke gorsallo kadeeke belti'a Zekkariyasi'a hixa ibinse; hixikinna middixxe hulabaa'ni geye; 15 Bita'ixxe hulaki hixi Obedi Edoomi'a geya wodda, miya masse'nammake minik hixi kinn oose isixee geye. 16 Sefine'ana Hoosa'a dhidhimi darre'n hedheeke dalla'ixxe hulanna ali darre'ni hedheeke ora'ni Shelekiti hanaaxxe hulake dalla'iba'ni iso'o geye; heqqammake manjichchika hujeti qoobbo dhaabe dhaabemmashan weli abinde hexxemman.

17 Barra barra'ninni boroti darre'ni jaane, dhidhimi darre'n shoole, bita'i darre'ni shoole heqqanjuwwa miya masse'namake mini darre'ni lame leewwito mitteba ittanni insa'ne heqqinama edi darree'n weli lame heqqanjuwwi heqqaamman. 18 Dhidhimi darre'ni oriinxa duuka hunjeexxe weldena'ni kinn shoole heqqaa wodda; lami weldenanda heqqaamman.

19 Yoonna kunni Qorexxinna Meeraarixxi sanne hula heqqitaashsha uwwemeeke hujeti qoobbon.

20 Leewwitoti giddi'ni Akiya miya masse'namake mine'ninna Magenoke'e shiqqa'neki qullo'ek miyuwwi bukki hiyye hedhammaka miya masse'na'neke minike sooreessamman.

21 Le'adanixxi sannuwwa Le'adani darre'ni Gershoonito kadekaara Gedisonawwitondee Le'adanike mini hadike sooreessuwwa kadeer La'idanixxe sannuwwa konneechchinn butti'a hedheramman; Yihi'eeli, 22 Yihi'eelixxi labbaxxi oose, Zeetamminna dayyi isik Iyyu'eeli. Kunniir seemmati giissineek Duuchchi Woddike Goottike fooqiba miya massa'nemmake minike sooreessuwwamman.

23 Inbermawwitotenaa'ni, Yitsiharwwitotenaa'n, Kebiroonitotenaa'ninna Uuzi'elawwitotixxe sanne'a hujetik qoobbi uwwemeemman.

24 Muuseki belti Gershoomixxe sannenaa'n Suba'eeli, miya masse'nammake minike annoome galchaake sooreessamman. 25 Eli'eezer darre'n firooma afeemmake; belt isik Re'abiya, belti isik Yisha'iya, belti isik Iyoraami, belti isik Zikir, belt isik Seloomiiti, 26 Seloomotinna fir isik moyanji Daawwiti mini hado isikike murruwwa, kuma manna akeekisano dhibbi manjik sooreessuwwi ittanni weli sannachchuwwik ajajalluwwi qulloonse shiqinseek miyuwi'a insa'ne qullootteexxe murroolemman.

27 Lolake'n boojine a'linemalcho gamisa Duuchchi Woddike Goottike galmixxe qammachcha'a kadaashsha qulloonsine. 28 Wabeekkichcho Saamu'eeli, Qiisik belti Sa'ooli, Neereke belti Abeneer, Tseruyak belti Iyyo'aabi qulloonsineeka duuchchanna ittanni wele qullo'eka miyuwwa Seloominatinna mini hadi heqqe'naamman.

29 Yitsiharwwito'n, Kenaaneyanna labbaxxi oose isixxi galmi gadhi darre hexxeexxe wele huje Isira'eeli'n jalqaabuwwakenna hayyoolete baallomme.

30 Kebiroonitote'ni, Hashabiya, jabakenna worba kadeek mitte kumanna torbaane dhibba manna Yordaanoosi'ni dhidhimi darre'ni hedheeke Isira'eelike boga'ni Duuchchi Woddike Goottixxe huje'anna moyanjokee ergatematee akeekisanote kande baallomme. 31 Kebiroontotike mini hadixxe ilatike mazigabiinxe aadashshann Yiriya sooreessa insa'nekemman. Daawwitike galchatike baro'ni shoole tomme wogga'ni mazigaba memmekinsemmaxxe'e, Gele'adi giddo Iyyazeeri hinaake booncho'ni Keberoonitotixxe oddo'ni jabak manni leelleen. 32 Yiriyanna jabakenna mini hado insa'nekike akeekisano kadeeka lame kumanna torbaane dhibba aanteti shiqaak firuwwa afeemman. Moyanji Daawwiti konne Magenikenna moyanjiinke hinaaxxe yaane'a Roobeelii, Gaadinna Minaaseke mini hadika gamisa murroonse hariire.