1 Barra mitte Somisooni Timinaa adadde me'e: ookkonna Filisixeemixxe gosa kaddeexxa mitte meyyaxxa manjichcho uude: 2 Baxxe'a higeeshanni anna ifike'ninna amate'n «Timinake boga'n hexxeexxe Filisixeemixxe dubarte giddii'n mitte afe eeyyennaxxee ani isee anee aadhisse» hiyye.

3 Annikinna ama isixxi kinni, «Jatik firuwwinaa'n yookaan no'oke ardi duuchchinaa'n ati'a kaddaaxxa belto haano gophende'naate eettene jala ofolbaaxxe Filisixeemitotiba martetek?» hine.

Somisooninna anna ifika, «Ane godobi aageexxi ise kaddeemmaxxe isee anee aadhisi» hiyye.

4 Eettene yanna'n Isira'eelito galcha'emmak Filsixeemitoteke kaddeemmxxe Filisixeemitoti welt wel gonphe hexxaashsha Duuchchi Woddik Gootti eeyyeexxi asseexxe kaddeexxe kaddeexxa ani isikinna ama isixxi ege'ne'emmabaan.

5 Ookkoneechchi uduma Somisooni ifike annininna amati welti Timinaa addadde me'e; ookkonna mitte woyinetike hiddichike fichchi giddo genneeshshanni dedhange'n mitti neenqiink beltanji harqa'n isibaa dage. 6 Eettene yana Duuchchi Woddike Goottik Hafuuri Samison'ii hunnati dirre; tennexxee re'etik buursi kukutaammashsha anga ifixxe mittichchinna hedhebaang ookkonee neenqiinka beltanjo kukute; tenne asseexxa yaaenna ifike anna'ninna ifixxe ama'n kulebaan.

7 Ookkoneechchi uduma eettene manjichchoba addadde mare; isenni weltinna haasoe'e; lumooshshanna isee eeyye. 8 Heenooxxe barra uduma isee aadhatee ookko'a illeema hige me'e; ookkone neeqiinka renshanna uudatee ora me'ani gore; ookkone renshi giddo kinniisi heesseexxi malese'naa afe. 9 Ookkone malebinaa'n adheexxi muxedha'n me'e; ifika annanna ama ifixxe afemeeshshanni ookkone malebonaa'n insa'ne'a uwwe; insa'nenna inde; yaane kinni Samison ookkone, malebo adheek neenqiinke renshi giddii'nite kaddeexxa insa'ne'n kuleemmabaan.

10 Somisoonik anni eettene manjichocho uudo'a addadde dirre; Somisooninna ookkone woddixxe waajubichchiinxe aadashsha ookko ita ha'wa qophpheesse. 11 Filsixemik manni isoo uundeexxe yanna isinni welti turtaashsha sase tomme labbaxxa dargaggeeyye isi'a uwwe. 12 Somisooninna insa'nee hiyyee qici, «Laqqe, hiibbo mitte ha'no kulo; isexxa tikanna eette aadha heerumiinke aayyaanixxe torbaane barrake giddo ani'a hiissichcho uutinoole fuuti suqeme ganemeexxa sase tomme qeerraxa semmanna sase tomme jijjiidhatixxa seemma ha'no'a uwwannon. 13 Eettene hiibbo tika gophphinoole kinni fuuti suqeme ganemeexxa sase tomme qeeraxxa seemmanna sase tomme jijjiidhatixxa seemma ha'no'a ani'a uutinaan.»

Insa'nenna isoo, «Eettene atixxa hiibo no'o'n kuli lanqo» hine.

14 Samisooninna insa'ne'n

«Itallokenaa'n ita

ookkone jabinaa'ninna xe'maxxi yaane fulde» hiyye.

Insa'enna sase barra qico'n eettene hiibbo tika dandenneemmaba'a.

15 Sholgaxxe barra'n Somisoonixxa are, «Aro'o atika laanchite hiibbo tennexxa tika no'o'a kulaashsha assi; iitta assa gophphottole ateenna atike annika mini hado giirati gunbannon; adanna ha'no no'oo yexxine itisine ha'wisineechchi mulqexxino'atee?» hine.

16 Ookkoneechchi uduma Somisoonixxi are ooxxa'n isi edo shiqqeexxi isoo, «Adana ati anee jibbita'ette! Anee eetabexxoxxi dhugaaten! Hite haranga boshshexxeette!» hite.

Isinna isee «Ani tennee'e anke anna'n kadi anxe ama'n kuleebe'non; mayeeta ate'n kulanno?» hiyye. 17 Isixxi arenna eettene aadha heerumiinxe torbaane ayyaanixxe barra duuchcha'n ooxxa'n dhukkussiisse isoo qortemmaxxee muuxamiinxe torbaxxe barra'n eettene hiibboxxa tika ise'n kule; isenna iittanni eettene hiiboxxa tika arda ifike'n kulde.

18 Tennexxe arishsho e'itebaangi edi darre torbaxxe barra'n qachchiink manni,

«Malebo sa'ee xe'maalchi mayi hedhe'naa?

Neenqa sa'eek hunnaameessi habadhee!» hine'e hiibbo tinke iso'ni kulle.

Somisooninna hiisseexxi,

«Anke goronsinni huja gophphineele,

hiisichcho dandeettine hiissitinammabaan» hiyye.

19 Ookkoneechchi uduma Duuchchi Woddike Goottik Hafuuri hunnati Saamisooni'ni dage; isinna Asiqeloonami'a mare sase tomme manna shiye; insa'neexxa elolla seemmuwwa duuchcha fulcheexxi hiibbo tikemmake manni'a uwwe. Isinna tenne aarenni ke'eexxi ifike annibaa'a hige. 20 Somisoonixxi arenna aadhati baro jaaloke kadeenge'e heerunde.