Levítico 18

6 « ‹Huuni manjinna fira ifike kaddeexxe meyyaxxen welti yababuloqqen. Ani Magenoken.

7 « ‹Ama atixxenni welti yababulde anna atika salphisoxxeni; ama atixxe kaddemmaxxe seemma isexxa faashshoxen.

8 « ‹Langaxxe ama atixxenni yababulde anna atika salphisoxxen.✝18:8, Lew. 20:11; Lew. 22:30; 27:20.

9 « ‹Dayyo atixxenni yookaan, mine yookaan gadho ilendeexxe langake anna atikixxe beltonni yookaani langaxxe ama atixxixxe beltonni welti yababuldoxxen.✝18:9 Lew. 20:17; Lew. 27:22.

10 « ‹Salphataboxxoshsha oose atixxike dubarrinni yababuldoxxen.

11 « ‹Langake annixxi yookaan langaxxe amaxxi belto ati’a dayyote kaddemaxxe iseni welti yababuldoxxen.

12 « ‹Anna atikixxi dayyo ati’a adaadate kaddemmaxxe isenni welti yababuldoxxen.

13 « ‹Ama atixxixxi dayyo ati’a lankaamate kaddemmaxxee isenni welti yababuldoxxen.

14 « ‹Abbi atikixxi are ati’a abbote kaddemmaxxe isenni welti yababuldoxxen.✝18:14 Lew. 20:19-20.

15 « ‹Belti atikixxi are beltote kaddemmaxe isenni welti yababuldoxxen.✝18:15, Lew. 20:1.

16 « ‹Dayyi atikixxi are ati’a herelchchote kaddemmaxxee isenni welti yababuldoxxen.✝18:16, Lew. 20:21.

17 « ‹Hossetexxe manjichchoxxe beltonni yookaan manjichchotixxe oosexxe oosen welti yababuldoxxen; insa’nenna shiqike fira atike kandemmaxxee cubbote ate’a kaddaan.✝18:17 Lew. 20:14; Lew. 27:23.

18 « ‹Are atixxi lubboti hexxee’na dayyo isexxi ise’a ginate kaddabaashsha dayyo isexxa aaxxoxeni; isenninna yababuldoxxen.

19 « ‹Melaalletixxe aadani hexxeexxi dubarte battooteexxe kaddemmaxxee isenni welti dhiiphphoxen.

20 « ‹Wele manjixe areni yababulde ifi battesitoxxeni.✝18:20 Lak. 20:10.

21 « ‹Duuchchi Woddike Gootta atike Magenika summa yowwisaboxxoshsha oose atixxenaa’ni mittetanna Moolekite hinaake dharichcha mageni’a ciincatike tolcha kaddo’a uutoxxen; ani Magenoken.✝18:21 Lew. 20:1-5.

22 « ‹Magenii edo jibbendeexe yaane kaddemmaxxee labbaki melaalleti welti diinphammashsha labbaken diiphphoxxen.✝18:22, Lew. 20:13.

23 « ‹Labbake kade meyyaxxi huuni manjinna biniinchikinna horik diiphphe ifi battoosoqqen; iitta hexxeexxi yaane dadatika seera balleessitaaxen.✝18:23 Fula. 22:19; Lew. 20:15-16; Lew. 27:21.