1 Tɛɛ wo guyei. Davide ná-guyei.

Ni Ɠɔoɠɔ GALAGI la ɠɛni loni ade ʋɛ,

Izilayɛle lɛ naa ma ʋolu, é bo,

2 ni Ɠɔoɠɔ GALAGI la ɠɛni loni ade ʋɛ,

siɛgi zu nuiti ti ʋaani la, ti laalɛ ade wu,

3 naazu ta la ade-ma vului ɓɔle,

siɛgi zu ti ɠɛni ziiɠaawana wolai zu ade laalɔɠɔma.

4 Ziɛ veinfeingi a la li ga adeye,

kɔtuɗɛi ɠɛni ade maaɓɔlesu.

5 Naazu ziɛ veinfein golaiti

ti ɠɛni yeizu ga adeye.

6 Mamagi ɠa Ɠɔoɠɔ GALAGI ʋɛ, nii é la vaani bu

ga ti-ɲiigaiti ti ʋa ade ʋaliʋali.

7 Ade ɠulani ti ya, eɠɛ wɔnii

pelaai é ɠula wɔni ɓɛɛ nui ná-tumɔi zu.

Tumɔi ʋalini ga, ade ʋela.

8 Ada-ɓɔbai ɠa ɗa zeɠe Ɠɔoɠɔ GALAGI ɓɔɠɔi ʋɔ bɛ,

nii é geeɠɔlɔgi ta zooi ɓɛtɛa.