Salmos 13

Inɛinɛgi ta ladalai

1 Guye loo ɠundiɠii nɔnɔi ʋe. Davide ná-guyei.

2 Ee, Ɠɔoɠɔ GALAGI, eyɛsu yeelɛ? È yeemazu mà kenein?

Ɗa maaɠoozazu bà, eyɛsu yeelɛ?

3 Ziizoolɛi ɠa yɛsu mà, zìimaʋɛ eyɛsu yeelɛ?

Folo-o-folo, ziiɓɔlɔi zìimaʋɛ?

Sìli nui ɠa yɛsu wuzeɠezu dàalɔɠɔma, eyɛsu yeelɛ?

4 Wɛlɛ, gòoɠaaʋote, Ɠɔoɠɔ GALAGI, nà-GALAGI!

Gàazuʋɛ zeɠe ma, naa ɠa a kɛ, gè mina ɲi saai zu.

5 Sìli nui mina ɠɛ ma: «Gè vɔniga ma!»

Wɔ̀inzeɠe nuiti ti mina ɠoozunɛ, ni nà ɲiikpina.

6 Nɔ̀un nà, dàaʋɛ ɗa-wooɠɛɠiladai la.

Koozunɛɛi ɠa zìimaʋɛ laavesu, ɗa-ɠizo faa wolai vaa zu.

Nà pɔ gè guyei loo è lɛbi vai ma,

ee, Ɠɔoɠɔ GALAGI, è màalatigɛ ga ɗa-vaanɛɛiti.