3 O Avram pelo mujesa dži i phuv, a o Dol phenda lese: 4 "Kava si mingro savez tusa: Ka ave dad bute narodurenđe. 5 Golese ćo alav ni ka avol vadži Avram, nego ćo alav ka avol Avraam, golese kaj ćerdem tut dad bute narodurengo. 6 Ka dav tut but potomkura, tutar ka postanin narodura thaj ka aven tutar e carura. 7 Ka ćerav savez tusa thaj će potomkurencar tari koč dži i koč, savez ane sa e đivesa, thaj ka avav o Dol ćiro thaj o Dol ćire potomkurengo. 8 Ane sa e đivesa ka dav tuće thaj će potomkurenđe i phuv i Hanaansko, ani savi tu akana beše sar abandžija, thaj ka avav lengo Dol."

9 Tegani o Dol phenda e Avraamese: "A tu ićar tut pe mingro savez, tu, ćire potomkura tari koč dži ki koč! 10 Kava si mingro savez tusa thaj ćire potomkurencar, savez pe savo ka ićaren tumen: nek avol obrezimo svako murš maškar tumende. 11 Obrezin tumen thaj gova ka avol znako taro savez maškar mande thaj tumende.