Marcos 3

Yesû wahandia muntû wa kûboko kwa bûlebe

1 Yesû ûtwelile byonka mu nsese gya milombelo gya Bayuda*3.1 Sinagogi, mubele no muntû gûmo ûbele no kûboko kwa bûlebe. 2 Bafalisayo bamulwele soo Yesû, bamone ntêê shaandye sigi lya kwêtûsha lya Bayuda*3.2 Sabato, kibalo bamone kumusongela. 3 Yesû umulombwele gûlya muntû wêno kûboko kwa bûlebe: "Gimana kûgêbwa kwa bantû bonse." 4 Yesû wêbabulishe: "Kikêê kitakisibwe kûlonga sigi lya kwêtûsha lya Bayuda*3.4 Sabato? Kûlonga bisoga ao kûlonga bibêê? Kûhandya ao kweyaga?"

Bonse bekene talala. 5 Yesû wêbalwele kwansûngû, ûkolelwe biiko kibalo kya lûûma lwa mitêma gyabo. Yesû umulombwele gûlya muntû: "Golola kûboko kobe." Noge olwele, kûboko kwage kwandile onka alya.