MALUKO 5

35 Kyaba Yesû kyabele walisamba, bantû basile kû nsese gya Yahilo bamulombwele: "Nsongwa kasi obe wawa kûkya, kibalo kyakê wamudjembya mulangi?"

36 Mone Yesû halwele mwanda gwêsambilwe umulombwele: "Yahilo no katudjuki gitabêsha yaa." 37 No hatakêshe muntû alondane nage nambo Petelo, Shake*5.37 Yakobo no Yoano mwanabo. 38 Lwabaikele kû nsese gya Yahilo, Yesû ûmwene bantû balê mpewa mpewa, mukûlêla no djûê likata. 39 Ûtwelile mu nsese wêbalombwele: "Kibalo kyakê mwimpewa mpewa no malelo? Mwana hawakûkya, ûbêdjê!"

40 Mone bantû bamwadjile. Onkao Yesû wêbaiminie bonse andje, usigile shage no nyage wa mwana no baana babûganga bage bamusindêkêle, ûtwelile nabo mukyumba kya sense mubele mulale mwana. 41 Ûkwatile kûboko kwa mwana umulombwele: "Talita, kumi," nsitwe gyage, "Nsongwa kasi, nankûlombola byûka!"

42 Lwendo lûmo gûlya nsongwa kasi wêmene no kûbamba kûtamba. (Gûdjo nsongwa kasi ûbele no miaka kumi no gibêlê.) No bantû lwabamwene kilya kilongekile, begalagenie. 43 Yesû wêbakandile na bakalomboli muntû byagêlêka no wêbalombwele: "Bamuwe nsongwa kasi kya kûlya alye."