Mateus 21

Yesʉ ʉkʉʉzuma mʉkʉyʉ

18 Yesʉ wɨkiandɨɨla kɨdaʉdaʉ kʉpuma ku Betania wɨkatʉlya mʉ kɨsalɨ ka Yelusalemu, mʉnzɨla wɨkahʉng’wa nzala. 19 Wɨkaʉona mʉkʉyʉ ʉng’wɨ mʉmpelo anzɨla, wɨkaʉhʉmbeela, wɨkahanga ʉdemile ɨmatʉtʉ du. Papo wɨkaʉzuma, wazelʉnga, "Ʉleka kʉpaa nkali kwe!" Papo paapo mʉkʉyʉ nʉanso wɨkʉma.

20 Amanyisigwa akwe naɨaona itɨ ɨkakʉilwa, ɨkamʉɨla, "Yatula ʉlɨ ʉmʉkʉyʉ ʉwʉ kʉpumpugɨɨlya wʉma?"

21 Yesʉ wɨkaaɨla, "Kʉmʉila ɨtai, angaitule mʉkete ʉhʉɨɨli nʉʉgila nkankani, shanga mʉkitʉma anga yaya du, ingɨ mʉhʉmile kʉʉtambʉɨla ʉlʉgʉlʉ ʉlʉ, "Hɨmbʉka pang’wanso wigʉmɨle mʉlʉzi nʉlʉkʉlʉ, yɨkʉtulaʉʉ.’ 22 Hangi anga mʉtule nʉʉhʉɨɨli, kɨhi nɨmʉkʉlompa kʉng’wi Itunda, mʉkʉpantɨka."