12 mniyn yusi lḥakem ruwmani γaliyun iḥekkem g xaya, mleymen wuḏeyen jmiyƹ af buwlus, awyent al lmeḥkmeṯ. 13 aḏ ckan siyes uwan: «ayuh n argaz yexs midden afγen seg cceriyƹeṯ n muwsa we adbeƹen breḏ d jdid.» 14 aḏ qebbel man ayuflay buwlus, yuwa γaliyun: «ayya wuḏeyen, lukan d ljerimeṯ naγ d temenγiwt rahiy taḥekmeγ jarewem s lƹedl. 15 amma madam lmucekleṯ d kaceḥ s tuflayin aḏ ismewen aḏ criƹtuwem, debreṯ ixfewnuwem weḥduwem. neči wiγisexc aḥekmeγ g ayuh n lemcakel.» 16 aḏ izeƹezqin seg lmeḥekmeṯ. 17 yaxy ṭefen sustanis meqqar n lmejmeƹ wettent zzaṯ lmeḥekmeṯ. lekenti γaliyun wisenyeggi ḥaja.
Publicidade