yesuwƹ yetteḏef al uwrceliym
1 mniyn qrebben al uwrceliym uṣellen al lḥumeṯ n beyt faji g jbel n uzemmur. yenkiy yesuwƹ sen seg tlamḏes, 2 yuwayasen: «ḏfeṯ al lḥumeṯ lliy zzaṯuwem. taḏefem teγyult teqqen nettaṯ aḏ ljeḥcis miretten aγetetend al γari. 3 kan yeƹreḍḍewem ḥed, meltas, rebbiy iteḥteqineṯ. atennisiyyeb ƹlewleh.» 4 aḏ iṣar ayuh bac ayentem lliy yuwayi yjen seg lenbiya seg lemmi:
5 «becreṯ midden n ṣihyuwn:
qa lmelekwem tafendyas d lƹaqel af teγyult;
af ljeḥc memmis n teγyult
lliy tteggen fellas sdel.»
6 yaxy reḥḥen aydin sen tlamḏa, ggen lliy yuwayasen yesuwƹ. 7 uγend teγyult aḏ ljeḥc. ggen fellesen lḥweyjesen. yaxy yerkeb yesuwƹ. 8 aḏ uḏellen ggeṯ d midden ttesun g ubriḏ s lḥweyjesen aḏ midden iḍen qedƹen g tizin n tiγliwin. ttesun sisen g abriyḏ. 9 aḏ wsiyn ayuh n midden lliy gguren zzaṯ yesuwƹ aḏ lliy gguren g ljurtis, tṣedƹen:
«lmejd y memmis n dawud,
aynumer rebbiy lliy yused s ysem n rebbiy,
lmejd y lliy g ujenna.»
10 mniyn yuḏef yesuwƹ al uwrceliym terjij tmura lkulha, aḏ sesetnen middenis beƹeḍhum: «d mam wuhnit.» 11 yaxy rennasen midden: «wuh d yesuwƹ nnabiy lliy seg nnaṣira g ljeliyl.»
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)