23 ତି ସିଲଡ୍ଲ୍ଲନ୍ ଅବ୍ରାଆମନ୍ ପ୍ରବୁନ୍ ଆମଙ୍ବା ଇୟ୍ଲେ ବରେ, "ଆମନ୍ ପେଲ୍ଲାମରନ୍ ସରିନ୍ ଡରମ୍ମରନ୍ ରବ୍ବୁତେ ପଙ୍ ? 24 ଓଡେନ୍ନଙ୍, ଗଡ଼ାଲୋଙନ୍ ପଚାସ ଜଣ ଡରମ୍ମରନ୍ ଡକୋତେ ତେତ୍ତେଲୋଙନ୍ ପଚାସ ଜଣ ଡରମ୍ମମରନ୍ ଆସନ୍ ତି ଆ ଡରକୋନେ ଏର୍ଡନୋବ୍ ଅବ୍ସେତେ ପଙ୍ ? 25 ଡରମ୍ମମରନ୍ ସରିନ୍ ପେଲ୍ଲାମରନ୍ ସରିନ୍ ଅଃରବ୍ବୁଏଜି । ଏନ୍ନେଲେ ଡେଏନ୍ଣ୍ଡେନ୍ ପେଲ୍ଲାମରନ୍ ଡ ଡରମ୍ମ ମରନ୍ ଆବସମାନନ୍ ଡନିଡିନ୍ ଡେତେ । ସମ୍ପରା ପୁର୍ତିନ୍ ଆ ପନ୍ସୁଆତିମର୍ ପଙ୍ ଆଜାଡ଼ି ଅଃନବ୍ପନ୍ସୁଆତିଏ ।"
26 ତି ସିଲଡ୍ଲ୍ଲନ୍ ପ୍ରବୁନ୍ ବର୍ରନେ, "ଞେନ୍ ସଦୋମ୍ ଗଡ଼ାଲୋଙନ୍ ପସାସ ଜଣ ଡରମ୍ମରନ୍ ଗିୟ୍ଲାୟ୍ଡେନ୍, ତିଡେନ୍ ଆନିଞ୍ଜି ଆସନ୍ ଅଡ଼୍କୋନ୍ ଆଡ୍ରକୋନେ ଏଃନବ୍ସେଡାୟ୍ ।" 27 ତି ସିଲଡ୍ଲ୍ଲନ୍ ଅବ୍ରାଆମନ୍ ଜାଲଙ୍ଲେ ବର୍ରନେ, "ଗିୟ୍ବା, ଞେନ୍ ଆରଡ଼ି ଡ କୋମାବ୍ ଡେଲିୟ୍ଁ ଜନଙ୍ଡେନ୍ ପ୍ରବୁଞେନ୍ ଆମୁକାବା ବର୍ରନ୍ ରପ୍ତିତାୟ୍ । 28 ଓଡେନ୍ନଙ୍, ପଚାସ ଜଣ ଡରମ୍ମରନ୍ ସିଲଡ୍ ମନ୍ଲୟ୍ ମନ୍ରା ଅସୋୟ୍ ଡକୋତେ; ତି ମନ୍ଲୟ୍ ମନ୍ରା ଅସୋୟ୍ଜନ୍ ଆସନ୍ ପଙ୍ ଆମନ୍ ଅଡ଼୍କୋନ୍ ଆଗଡ଼ା ଅବ୍ସେତେ ?" ପ୍ରବୁ ବର୍ରନେ, "ଞେନ୍ ବାକୁଡ଼ି ମନ୍ଲୟ୍ ମନ୍ରା ଏଞାଙ୍ଲାୟ୍ଡେନ୍, ତି ଆଗଡ଼ା ଏଃନବ୍ସେଡାୟ୍ ?" 29 ଅବ୍ରାଆମନ୍ ପ୍ରବୁନ୍ଆଡଙ୍ ଆରି ବତର ବରେନ୍, "ଓଡେନ୍ନଙ୍, ତେତ୍ତେ ବାକୁଡ଼ି ମନ୍ରା ଞାଙ୍ଲନ୍ଡେନ୍ ।" ପ୍ରବୁ ବର୍ରନେ, "ତି ଆ ବାକୁଡ଼ି ମନ୍ରା ଆସନ୍ ଏଃନବ୍ସେଡାୟ୍ ।" 30 ଆରି ବତର ଅବ୍ରାଆମନ୍ ବର୍ରନେ, "ପ୍ରବୁ ଅଃବରାବ୍ଲମ୍ଡେନ୍ ଞେନ୍ ଆରି ବତର ବର୍ତନାୟ୍ । ତେତ୍ତେ ତିରିସି ଜଣ ଡରମ୍ମମରନ୍ ଡକୋଏଣ୍ଡେନ୍ ?"
ରବୁ ବର୍ରନେ, "ତିରିସି ଜଣ ଡକୋଏଣ୍ଡେନ୍, ଞେନ୍ ଏତ୍ତେଲେ ଅଃଲୁମାୟ୍ ?" 31 ଅବ୍ରାଆମନ୍ ବର୍ରନେ, "ଗିୟ୍ବା, ପ୍ରବୁନ୍ ଆମୁକାବା ଞେନ୍ ଆରି ବତର ବର୍ରନ୍ ରପ୍ତିତାୟ୍; ଓଡେନ୍ନଙ୍, ତି ତେତ୍ତେ ବକୁଡ଼ି ମନ୍ରା ଞାଙ୍ଲନ୍ଡେନ୍ ।" ପ୍ରବୁନ୍ ବର୍ରନେ, "ତି ବକୁଡ଼ି ଆ ମନ୍ରା ଆସନ୍ ଞେନ୍ ତି ଆଗଡ଼ା ଏଃନବ୍ସେଡାୟ୍ ।" 32 ଅବ୍ରାଆମନ୍ ବର୍ରନେ, "ପ୍ରବୁ ବିଜାର ଅଃଡେଲମ୍ଡେନ୍ ଆରି ବତର ବର୍ତନାୟ୍; ଓଡେନ୍ନଙ୍, ତେତ୍ତେ ଦସ ଜଣ ଞାଙ୍ଲନ୍ଡେନ୍ ?"
ପ୍ରବୁନ୍ ବର୍ରନେ, "ତି ଦସ ଜଣ ଆ ମନ୍ରା ଆସନ୍ ଞେନ୍ ତି ଆଗଡ଼ା ଏଃନବ୍ସେଡାୟ୍ ।" 33 ତି ଆଡିଡ୍ ପ୍ରବୁ ଅବ୍ରାଆମନ୍ ବାତ୍ତେ ଏନ୍ନେଲେ ଅଲ୍ବରେଞ୍ଜି, ଆରି, ଅବ୍ରାଆମନ୍ ନିୟ୍ ଆସିଙନ୍ ୟର୍ରନେ ।
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)