18 ପ୍ରବୁ ଇସ୍ୱରନ୍ ବର୍ରନେ, "ମନ୍ରାନ୍ ଆତିନ୍ସଜନ୍ ଆ ଡକୋନେ ମନଙ୍ତଡ୍ । ଞେନ୍ ଆନିନ୍ ଆସନ୍ ଆନିନ୍ଅନ୍ତମ୍ ସାୟ୍ସିକାବ୍ବାଡ଼ାବଜନ୍ ଗବ୍ଡେଲ୍ତାୟ୍ ।" 19 ଆରି ପ୍ରବୁ ଇସ୍ୱରନ୍ ଲବନ୍ ବାତ୍ତେ ବସେଙ୍ରେଙନ୍ ଆ ଜନ୍ତୁଜି, ଡ ରୁଆଙ୍ଲୋଙନ୍ ଆ ଅନ୍ତିଜି ଗବ୍ଡେଲ୍ଲେ ଆଦମନ୍ ଆନିଞ୍ଜିଆଡଙ୍ ଇନି ଅବ୍ଞୁମ୍ତେ, କେନ୍ ଆ ଜନନା ଆସନ୍ ଅଡ଼୍କୋଞ୍ଜିଆଡଙ୍ ଆମଙ୍ବାନ୍ ଓରୋଙ୍ଲାଜି । ଆଦମନ୍ ତି ଆପୁରାଡ଼ାଜି2:19 ଜନ୍ତୁଜି ଲୋଙ୍ସିଲଡ୍ ଆନା ଇନି ଅବ୍ଞୁମେନ୍; ଆଞୁମନ୍ ତିଆତେ ଡେଏନ୍ । 20 ଆଦମନ୍ ଜନ୍ତୁନ୍ ଡ ରୁଆଙନ୍ ଆ ଅନ୍ତିଜି ଡ ଲବଲୋଙନ୍ ଅଡ଼୍କୋନ୍ ଆ ଜନ୍ତୁଜିଆଡଙ୍ ଅବ୍ଞୁମେନ୍ । ବନ୍ଡ ମନ୍ରାନ୍ ଆସନ୍ ଆନିନ୍ ଅନ୍ତମ୍ ସାୟ୍ସିକାବ୍ବାଡ଼ାବଜନ୍ ଅଃଗିୟ୍ତାଲୋ ।
21 ତିସିଲଡ୍ ପ୍ରବୁ ଇସ୍ୱରନ୍ ଆଦମନ୍ଆଡଙ୍ ବରା ଅବ୍ଡିମଡେନ୍, ଆରି ଆଡିମଡିଙନ୍ ଅବୟ୍ ଆ ପଞ୍ଜରାଜାଙନ୍ ପାଙ୍ଲେ ତେତ୍ତେ ଜେଲୁନ୍ ବାତ୍ତେ ବବ୍ରିଜେନ୍ । 22 ଆରି ପ୍ରବୁ ଇସ୍ୱରନ୍ ଆଦମନ୍ଆମଙ୍ ସିଲଡ୍ ଅଙ୍ଗା ଆ ପଞ୍ଜରାଜାଙ୍ ପାଙେନ୍, ତିବାତ୍ତେ ଅବୟ୍ ଆଇବଜନ୍ ଗବ୍ଡେଲେନ୍ ଆରି ଆଦମନ୍ ଆମଙ୍ବା ଓରୋଙ୍ଲାୟ୍ । 23 ତିସିଲଡ୍ ଆନିନ୍ଆଡଙ୍ ଗିୟ୍ଲେ ଆଦମନ୍ ବର୍ରନେ,
"କେନ୍ ସିଲଡ୍ ଡେଲୋ,
କେନ୍ ଆନିନ୍ ଅଜାଙ୍ଞେନ୍ ଆଜାଙ୍ ଆରି ଜେଲୁଞେନ୍ ଆଜେଲୁ ।
କେନ୍ ଆଞୁମନ୍ ଆଇମର୍, ଇନିଆସନ୍ଗାମେଣ୍ତେନ୍ ଆନିନ୍ ଓବ୍ବାମରନ୍ ଆଡଅଙ୍ଲୋଙ୍ ସିଲଡ୍ ଗନଡ଼େନ୍ ଡେଲୋ ।"
24 କେନ୍ଆସନ୍ ମନ୍ରାନ୍ ଆପ୍ପେୟନ୍ ଆୟୋଙନ୍ ଉମ୍ରେଙ୍ଡାଲେ ଆନିନ୍ ଆଡୁକ୍ରିନ୍ ବାତ୍ତେ ଏକ୍କାନ୍ ଡେତଜି ଆରି ଆନିଞ୍ଜି ବାଗୁଞ୍ଜି ଆବୟନ୍ ଆମନ୍ରା ଅନ୍ତମ୍ ଡେତଜି ।
/images/a/WG5FS9VaSWVnVmV3VI8yP)
/images/a/Tcg2NiV7ce24OT6kCIQGR)