ଇସାକନ୍ ଗେରାଲୋଙନ୍ ଡକୋଲନ୍
1 ପୁର୍ବାନ୍ ଅବ୍ରାଆମନ୍ ଆତେ ନମି ଏଙ୍ଗାଲେ କାନ୍ତାରାଏନ୍, ତି ଆଡେସା ଆରି ବତର ଆମ୍ମୁଙ୍ ଅନ୍ତମ୍ ଆରି କାନ୍ତାରାଏନ୍, ଇସାକନ୍ ଗରାରନ୍ ପଲେସ୍ଟିଅଞ୍ଜି ଆରାଜା ଅବିମେଲକନ୍ ଆମଙ୍ ଇୟେନ୍ । 2 ତି ଆଡିଡ୍ ପ୍ରବୁ ଆନିନ୍ଆଡଙ୍ ଅବ୍ଗିୟ୍ତାଲନ୍ ବରେନ୍, "ଆମନ୍ ମିସର୍ ଡେସାନ୍ ଇୟ୍ଡଙେ; ଞେନ୍ ଆମନ୍ଆଡଙ୍ ଅଙ୍ଗା ଆଡେସା ଏବର୍ତମ୍, ତେତ୍ତେ ଡକୋନା । 3 ଆମନ୍ କେନ୍ ଆଡେସାଲୋଙ୍ ଡକୋନା, ସିଲତ୍ତେ ଞେନ୍ ଆମନ୍ଆଡଙ୍ ଏଆସିର୍ବାଦତମ୍, ଆରି, ଆମନ୍ଆଡଙ୍ ଡ କେଜ୍ଜାନମ୍ କେନ୍ ଅଡ଼୍କୋନ୍ ଆଡେସା ଏତିୟ୍ତାୟ୍ ଡ ଆପେୟ୍ନମ୍ ଅବ୍ରାଆମନ୍ ଆମଙ୍ ଞେନ୍ଡମ୍ ଆର୍ଲୁମ୍ଲାଞନ୍ ଆପର୍ମାଡ଼ା ଅବ୍ଡେଡମ୍ତାୟ୍ । 4 ଞେନ୍ ରୁଆଙନ୍ ଆତୁତୁୟ୍ଜି ଅନ୍ତମ୍ କେଜ୍ଜାନମ୍ ଅବ୍ଗୋଗୋୟ୍ଲେ ଆନିଞ୍ଜିଆଡଙ୍ କେନ୍ ଅଡ଼୍କୋନ୍ ଆଡେସା ଏତିୟ୍ତାୟ୍ ଡ କେଜ୍ଜାନମ୍ ବାତ୍ତେ ପୁର୍ତିନ୍ ଅଡ଼୍କୋନ୍ ଆଜାତି ଆସିର୍ବାଦନ୍ ଞାଙ୍ତଜି । 5 ଞେନ୍ ଆମ୍ବେଞ୍ଜିଆଡଙ୍ ଆସିର୍ବାଦତବେନ୍ ଇନିଆସନ୍ଗାମେଣ୍ଡେନ୍ ଅବ୍ରାଆମନ୍ ବର୍ନେଞେନ୍ ମାନ୍ନେଏନ୍ ଆରି ଅଡ଼୍କୋନ୍ ଆ ବନାୟ୍ବରନ୍ ଡ ବନାଁୟ୍ବରନ୍ ଅନ୍ତମ୍ ଲୁମେନ୍ ।"
6 ସିଲଡ୍ଲ୍ଲନ୍ ଇସାକନ୍ ଗରାରଲୋଙ୍ ଡକୋଲନେ । 7 ତେତ୍ତେ ଆ ମନ୍ରାଜି ଆ ଡୁକ୍ରିନ୍ ଆବର୍ନେ ବର୍ରଞ୍ଜିଡେନ୍, ଆନିନ୍ ବର୍ରନେ, "ଆନିନ୍ ତନାଞେନ୍," ଇନିଆସନ୍ଗାମେଣ୍ଡେନ୍ ତେତ୍ତେ ଆ ମନ୍ରାଜି ରିବିକାନ୍ ଆଲତେଙ୍ ଞେନ୍ଆଡଙ୍ ରବୁଙିୟ୍ଜି, କେନ୍ ଇୟମ୍ଲେ ଆନିନ୍ ଆନିନ୍ଆଡଙ୍ ଡୁକ୍ରିଞେନ୍ ଗାମ୍ଲେ ଆବର୍ନେ ଆସନ୍ ବତଙେନ୍; ଇନିଆସନ୍ଗାମେଣ୍ଡେନ୍ ଆନିନ୍ ମାଡ୍ଡମନଙ୍ ଡକୋଏନ୍ । 8 ଆରି ତି ଆଡ୍ରକୋନେଲୋଙ୍ ଗୋଗୋୟ୍ ବର୍ସେଙ୍ ଆଡ୍ରକୋଲନ୍ ସିଲଡ୍ ବଡିନା ପଲେସ୍ଟିୟନ୍ ଆ ରାଜା ଅବିମେଲକନ୍ ଜର୍କାଗଡ୍ ପେର୍ମୋଡ୍ଲେ ଆଗ୍ରିଜେନ୍ ଆଡିଡ୍ ଇସାକନ୍ ଡ ଆଡୁକ୍ରିନ୍ ରିବିକାନ୍ ବାତ୍ତେ ଆଲୁଲୁଡନ୍ ଗିଜେଞ୍ଜି ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)