7 ତି ସିଲଡ୍ଲ୍ଲନ୍ ଜୋସେପନ୍ ଆପେୟନ୍ ଜାକୁବନ୍ଆଡଙ୍ ଓରୋଙ୍ଲେ ପାରୋନ୍ ଆତେମଡ୍ଲୋଙ୍ ତବ୍ନଙେନ୍; ସିଲତ୍ତେ ଜାକୁବନ୍ ପାରୋନ୍ଆଡଙ୍ ଆସିର୍ବାଦଏନ୍ । 8 ତିଆଡିଡ୍ ପାରୋନ୍ ଜାକୁବନ୍ଆଡଙ୍ ବରେନ୍, "ଡିଅଙ୍ଗା ମିୟ୍ନୁମ୍ ଡେଲମ୍ ?"
9 ଜାକୁବନ୍ ପାରୋନ୍ଆଡଙ୍ ବରେନ୍, "ଅନମେଙ୍ ଡିନାଞେନ୍ ବସଅ ତିରିସି ବର୍ସେଙ୍; ଅନମେଙ୍ ଡିନାଞେନ୍ ଅସୋୟ୍ ଡ ବରନ୍ତଙନ୍; ଆରି ପୁର୍ବା ଜୋଜୋଞେଞ୍ଜି ଆନମେଙ୍ ଡିନା ଅନ୍ତମ୍ ତଡ୍ ।" 10 ତି ସିଲଡ୍ଲ୍ଲନ୍ ଜାକୁବନ୍ ପାରୋନ୍ଆଡଙ୍ ଆସିର୍ବାଦଲେ ଆମୁକାବାନ୍ ସିଲଡ୍ ଜିରେନ୍ । 11 ସିଲତ୍ତେ ଜୋସେପନ୍ ପାରୋନ୍ ଆ ବନାଁୟ୍ବର୍ ଅନ୍ତମ୍ ମିସର୍ ଡେସାନ୍ ଆମନଙ୍ ଆଡ୍ରକୋନେରେଙ୍, ଆଗ୍ରାମ୍ଗାମ୍, ରାମିସେସ୍ ଆଏରିଆରେଙ୍ ଆପେୟନ୍ ଡ ଆବୋଞାଙଞ୍ଜିଆଡଙ୍ ଡରକୋନେନ୍ ତିୟେନ୍ । 12 ଆରି, ଜୋସେପନ୍ ଆପେୟନ୍ ଡ ଆବୋଞାଙଞ୍ଜିଆଡଙ୍ ଆରି ଆପେୟନ୍ ଆସିଙ୍ମର୍ଜିଆଡଙ୍ ଆ ଜନୋମ୍ଜୋମ୍ ଆଜନବ୍ ତିୟ୍ଲେ ଅରାଞେଞ୍ଜି ।
/images/a/6c03efee-c76a-4ab8-fe2e-555683f90900)
/images/a/9ec55bb8-7dc5-47b9-c32a-98aea1c00300)