ମନ୍ରାନ୍ ଆପେଲ୍ଲା
1 ଏଙ୍ଗାଲେ ପୁର୍ତିଲୋଙନ୍ ମନ୍ରାଞ୍ଜି ଗୋଗୋୟ୍ଲେ ପାଙେନ୍, ଆରି ଆନିଞ୍ଜି ଗୋଗୋୟ୍ ଆଇସିଜନ୍ କୋଡେଞ୍ଜି, 2 ତିଆବନେଡ଼ା ଇସ୍ୱରନ୍ ଆ ଡାଙ୍ଗାଡ଼ାଅନ୍ଜି ମନ୍ରାଞ୍ଜି ଆ ଡାଙ୍ଗଡ଼ିଅଞ୍ଜି ଆମନନଙନ୍ ଗିୟ୍ଲେ, ଆନାଜି ଆନିଞ୍ଜି ମନ୍ନାଏଞ୍ଜି ଆନିନ୍ ଆନିଞ୍ଜି ସରିନ୍ ବିବାଲଞ୍ଜି । 3 ପ୍ରବୁନ୍ ଗାମେନ୍, "ପୁରାଡ଼ାଞେନ୍ ଅଡ଼୍କୋ ଡିନାନ୍ ମନ୍ରାନ୍ ଆମଙ୍ ଅଃଡକୋଏ; ଇନିଆସନ୍ଗାମେଣ୍ଡେନ୍ ଆନିଞ୍ଜି ଜେଲୁଡଅଙ୍ ତୁମ୍, ତିଆସନ୍ ଆନିଞ୍ଜି ବସଅ ବକୁଡ଼ି ବର୍ସେଙ୍ ତୁମ୍ ଅମେଙ୍ତଜି ।" 4 ତିଆବନେଡ଼ା, ପୁର୍ତିଲୋଙନ୍ ସୋଡ଼ା ଆରି ବୋର୍ସା ମରଞ୍ଜି ଡକୋଏଞ୍ଜି ତି ସିଲଡ୍ଲ୍ଲନ୍ ଇସ୍ୱରନ୍ ଆଡାଙ୍ଗାଡ଼ାଅଞ୍ଜି ମନ୍ରାନ୍ ଆଡାଙ୍ଗାଡ଼ିଅଞ୍ଜି ସରିନ୍ ଡକୋଲଞ୍ଜି । ଆମଙଞ୍ଜି ସିଲଡ୍ ପସିଜନ୍ କୋଡେଞ୍ଜି ଆନିଞ୍ଜି ନିୟ୍ ଆପର୍ତମ୍ମୁ ସୋଡ଼ାବୋର୍ସାମର୍ଜି ଡକୋଏଞ୍ଜି ।
5 ପ୍ରବୁନ୍ ଆଗ୍ରିଜେନ୍ ପୁର୍ତିଲୋଙନ୍ ପେଲ୍ଲାମରଞ୍ଜି ଗୋଗୋୟ୍ଲେ ପାଙେନ୍ ଆରି ଆନିୟମଞ୍ଜି ଅଡ଼୍କୋନ୍ ମନଙ୍ତଡ୍, 6 ତିଆସନ୍ ପ୍ରବୁନ୍ ପୁର୍ତିଲୋଙନ୍ ମନ୍ରାନ୍ ଆଗ୍ରବ୍ଡେଲେନ୍ ଆସନ୍ ଆ ମନ୍ନଲୋଙନ୍ ଅନିୟମ୍ଡାଏନ୍ 7 ପ୍ରବୁନ୍ ଗାମେନ୍, "କେନ୍ ଆ ପୁର୍ତିଲୋଙ୍ ଞେନ୍ ଗରଡ଼େଲାଞନ୍ ଆମନ୍ରା ଆରି ଜନ୍ତୁନ୍, ଅନ୍ତିଡନ୍ ଅଡ଼୍କୋନ୍ ଅବ୍ସସତାୟ୍, ଇନିଆସନ୍ଗାମେଣ୍ଡେନ୍ ଆନିଞ୍ଜିଆଡଙ୍ ଗରଡ଼େଲାଞନ୍ ଆସନ୍ ମନ୍ନଲୋଙ୍ଞେନ୍ ଅନିୟମ୍ଡାଏନ୍ ।" 8 ବନ୍ଡ ପ୍ରବୁନ୍ ନୋଅନ୍ଆଡଙ୍ କାନକାରମ୍ ଗାମେନ୍ ।
ନୋଅନ୍ ଡ ବୁବ୍ଡାନ୍
9 ନୋଅନ୍ ଆକେଜ୍ଜା । ତି ଆବନେଡ଼ା ନୋଅନ୍ ଡରମ୍ମମର୍ ଡ ଲବଡ୍ଡିମର୍ ଡକୋଏନ୍ । ଡର୍ନେନ୍ ବାତ୍ତେ ନୋଅନ୍ ଇସ୍ୱରନ୍ଆଡଙ୍ ସଣ୍ଡୋଙେନ୍,
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)