ପର୍ତମ୍ମୁ 6

13 ଇସ୍ୱରନ୍‌ ନୋଅନ୍‌ଆଡଙ୍‌ ବରେନ୍‌, "ଅଡ଼୍‌କୋ ଜାତି ମରଞ୍ଜି ଆସନ୍‌ ଅନଞିଡ୍‌ ଜୋଗାନ୍‌ ତୁୟାୟ୍‌ଲାୟ୍‌ । ଞେନ୍‌ ଆନିଞ୍ଜିଆଡଙ୍‌ ରବ୍ବୁତାଜି, ଇନିଆସନ୍‌ଗାମେଣ୍ଡେନ୍‌ ଆ ସଙ୍ଗତାଞ୍ଜି ପୁର୍ତିଲୋଙନ୍‌ ଗୋଗୋୟ୍‌ଲେ ପାଙ୍‌ତେ । 14 ଗୋପର ଅରାନ୍‌ ବାତ୍ତେ ଆମନ୍‌ ଆସନ୍‌ ଅବୟ୍‌ ଜାଜ୍ଜନ୍‌ ତୁବା; ଆନ୍ନା ଆନ୍ନା ବକରାନ୍‌ ତୁବ୍‌ଲେ ଅମ୍ମଗଡ୍‌ ଡ ବାରେଗଡ୍‌ ତାରୁନ୍‌ ବାତ୍ତେ ଜବ୍‌ଲିଡ୍‌ବା । 15 ଜାଜ୍ଜ ଏନ୍ନେଗନ୍‌ ତୁବା ଅରଣ୍ଡଡିନ୍‌ ଆଡନେଙ୍ଗା ୟାଗିସଅ ସନ୍ତି, ରନକୋଡନ୍ ପଚାସ ସନ୍ତି, ତୋଣ୍ଡୋନ୍‌ ଆଡନେଙ୍ଗା ତିରିସି ସନ୍ତି । 16 ଆଜିଅଲନ୍‌ ସିଲଡ୍‌ ବସନ୍ତି ଅମ୍‌ରେଙ୍‌ଲେ ଜାୟ୍‌ତାନ୍‌ ଜର୍‌କାନ୍‌ ତୁବା ଆରି ତିଗଡ୍‌ ଡୁଆରାନ୍‌ ଡକ୍କୋଆ । ଆରି ୟାଗିମଲା ଏମ୍ମେଲେ ଜାଜ୍ଜନ୍‌ ତୁବା ।