Lucas 1

11 Aŋ malak yen Pïṭo üükïn woo ike ti, aŋ yuuttu taaŋŋä birrä yen tambal yaana ḍüüŋcete me wakkä pïlkä ye. 12 Aŋ wääna yoorene daa Jakarïya ye, ike ṭeeŋŋä aŋ näkki liin kä yaac. 13 Aŋ kiini malak ogo, "Jakarïya, ïkï ŋana booju. Jooŋ mallä yüünü tiiŋŋe, aŋ ïïŋü Lïjäbet ïkï bi gitkey minneni aŋ bi äkkä ogo Yaaya*1.13 Yaaya Aŋ yäṇtäŋ Yaaya aŋan ogo, "Jooŋ nüütono woo ŋerrä," kä lemmä mä Iburu.. 14 Aŋ jonü bi ñapï ïñï kä yaac, aŋ me ḍiirken bi juuggen ñabaŋ kä yaana giidene daa me ye, 15 aŋ ike bi yäwaŋ Pïṭo ti, aŋ ike batta bi mätï määk, aŋ ike bi a küümon kä Wääktäŋ Laṇṇä yen Jooŋ kä meen jïñe tinä. 16 Aŋ mä Icärayiil ḍiirken bi ḍuuge ŋäjäk Pïṭo Jooŋ yeenen ti. 17 Aŋ ike bi atï Pïṭo ñome ti, kä wääktäŋ ke teynä yen bäṭo Ïlïya, aŋ wäygä ḍuuke cuure juuggin ke merkä yeeken aŋ m’aka tüücï jiik ye, ḍuuge ti mä wotku ti, nääŋka me bi tutkeeda kä päy yen Pïṭo ye."