Lüka 8

Määngä Yaaka Baadit Yeecüwa ye

1 Aŋ wäättana Yeecüwa attä bänkä mäyken ti ke bänkä lïcken ti, päkï Jiik Ŋerkä yek Yätkïtïn Jooŋ. Aŋ tüüjgï yeeke yaaka kä caay witken kä yewwe ye ke Ike, 2 ke määngä yakkalaŋ yaaka cääygene kä wääktäŋŋi yaackä ke rackïtïn ye ṭeeññe. Aŋ Märïyam yen mä Majdalïïna a yaana ñuuṭenee kä woo meŋkeekeni kä ŋaṭükel ina, 3 aŋ Aanna iŋ Koojï a m’ana a müükkïdïnï wakkä än jïñe yek yätkä Ïïrüüdüc ye, aŋ Cüjaan ke meken yakkalaŋ ḍiräk yaaka iken yüükkütü ti kä wakkä yeeken ye.