Oknayene Ibo 2

18 Ana Yawe God ere mogl, yegl dugwa, Yagl yene swara moglkwa kuno erekrukwa pre na yoba kunamo ta ye ake ple dinabuka ama bekenagle dugwa. 19 Ana okna Yawe God makan gaba idre, agl bugla ya dua kabu kwi bekidre, kua bekidre, yegl erukwa. Ana ye taragl pra pra bekugwa meglkwa yu, yagl moglmara edugwa. Yagl taragl swara swarade siragl kagno yei tenabuka pragledi prisre, ye moglmara edugwa. Edugo, yagl taragl swara swarade kagno yei togwa, kagno i aimadi pai moglkwa. 20 Ye agl bugla ya, kua ya, dua kabu ki kagno swara swarade yei togwa, ba ye yoba kunamo ta ye ake ple dinabuka ta moglkrukwa.

21 Ana yagl ye yoba kunamo ta moglkruko, Yawe God ere mogl, yagl ugl du panabedi eruko, ye ugl du paugwa. Ugl du paugo, God dagigle yobuglo swara ta gudu idre, aglke kun yomara si kegl dugwa. 22 Si kegl didre, ye dagigle yobuglo ikra wagle abu ta bekidre, yu, yagl moglmara edugwa. 23 Edugo, yagl yegl dugwa, Erme we, yoba i na moglmere moglkwa. God na yobra ya mienana idre, ye yobuglo ya miemo bekugwa. Na yagl yobra ya mienana idre, ye bekugwa pre na abu*2.23 Yagl ye abu yene moglmere moglmedi kandre, kagie abu we dugwa. Ka Hibru mina, yagl ya abu kagno swara mere yegl paugwa. Ye yagl Ish we didre, abu Isha we didre, erikwa. we dinagle di, yegl dugwa. 24 Ana mabuno yegl paugwa pre yagl nem mam kide kodidre, ye ebie bogl si dakagl morabrika. Miur, ogono nagino swara kaima mere yegl paugwa.