2 Coríntios 1

Paulo kamwing’ha hewela Mulungu

3 Yatogoligwe Mulungu na Tata wa Mndewa wetu Yesu Kilisito, Tata yeli na bazi na Mulungu yoching’ha deng’o jose. 4 Nayo koching’ha deng’o mgamadununzo getu gose, ili na cheye ivija chiweng’he deng’o wamwenga mgamadununzo gao gose kwa deng’o idija ichidibokela kulawa kwa Mulungu. 5 Enaa, kama vichigendelela ku bokela madununzo kwambuli ya kumtogola Kilisito, ivo ivija vichigendelela kubokela deng’o jake. 6 Yahawa chodununzika, ni kwambuli ya deng’o na ulohozi wenu, hebu chiheng’higwa deng’o ni kwambuli yakuwatenda mgafunyile moyo madununzo igaja gachibokela cheye. 7 Kaidi tamanilo dichilinajo kwambuli yenu digangamala, chovimanya kua mwahailumba mga madununzo getu, ivija muilumba mdi deng’o jetu.