6 ଏ ଗାଡ଼ିଆ ଲୋକୁ, ମିର୍‌ ସିୱାଣ୍ତିଙ୍ଗାଁ ଲାକ୍‌ତୁ ସାଣ୍ଡ୍ରୁ, ତାନି ପାଣି ବିସାର୍‌ କିଦୁ ମାରି ବୁଦି ଆଦୁ । 7 ତାନି ବିସାର୍‌ କିନିକାନ୍‌, ପେରିଲୋକୁ ମାରି ମାଲିକ୍‌ ଏନ୍‌ ସିଲେତିଙ୍ଗ୍‌ବା ୱାଦ୍‌ ଜେଟାଲେଜି ନିଜେଦି କାଦି ଉଣ୍ତା କିନାତ୍‌, 8 ମାରି, ପାସିଦି ବେଡ଼ାଦୁ କାଦି ଉଣ୍ଡା କିନାତ୍‌ । 9 ଏ ଗାଡ଼ିଆ ଲୋକୁ, ନିନୁ ଏସା ବେଡ଼ା ଗୁର୍‌ନିମାନି ? ନିନୁ ଏସ୍ତିୱାଲେ ସୁସ୍‌କାଣ୍‌କୁ ପାୟ୍‌ଜି ନିଙ୍ଗ୍‌ନି ? 10 ମାରି ଅଡ଼ପ୍‌ ସୁଜିତିଙ୍ଗା, ମାରି ଅଡ଼ପ୍‌ କରତିଙ୍ଗା, ମାରି ସାଣେକ୍‌ ସୁଜ୍‌ନି ଉଣ୍ତିଙ୍ଗ୍‌ କିକୁ ସାକ୍‌ବା ବାତିଙ୍ଗ୍‌, 11 ନି କାକୁର୍ତି ଦିନ୍‌ ସାରିଦୁ ବୁଲାନି ବଇଗେରି ୱାଜା ୱାନାତ୍‌, ମାରି, ନି ଦିନ୍‌ କାତି କାଣ୍ଡା ଆସ୍‌ତି କାଙ୍ଗାର୍‌ଏନ୍‌ ୱାଜା ଇଗା ୱାନାତ୍‌ ।