5 Ndizo Phethiro wakagadziwa mujele; koga gubungano letshipi lakawuntembezelela tjoselele kuNdzimu.
7 Linga, kwakakoboneka ntumwa waHe, kukapenya tjedza mun’umba yejele yose; akazunguza Phethiro nelubabvu ewumusa, eti, "Muka, libilidza." Ketane dzakawa dzibva pamaboko awe. 10 Bakati bapinda balindi bekutanga nebebubili bakaswika pankoba wetshipi unongina munzi-nkulu. Wakahhulika woga, bakabhuda bakayenda, bakayenda bakatjuluka zila in’ompela; tjinyolotjo ntumwa weNdzimu akabe ewunsiya.
12 Paakaziba kose ikoku wakayenda kun’umba yaMariya, mayi baJohane waka ana limwe zina linoyi Mako, paka pakakubungana banjinji betembezela. 13 Wakati ekowhodza pankoba, kwakahha umwe nlandakadzi unoyi Roda ewhodabila. 14 Wakati ewha whi laPhethiro, akasihhule nkoba ngentha yehanha, koga akalabuka enoleba kuti Phethiro upankoba. 15 Bakati kuwunli, "Unopenga." Koga iye wakakowhomesedza kuti kwakajalo. Bakati, "Untumwa uwe!"
16 Koga Phethiro wakayendila mbeli ekowhodza; bakati bahhula, bakawumbona bakatjenama.