Mateus 11

Makuta abasakabakadimbwa

20 Jesu wakakalalila makuta mwaakata zwichenamiso zwikulwana, nokuti ajakashanduka. 21 Wakati, "Mayee kunamwi Kolazini! Mayee kunamwi Bhetisaida! Ngana zwishamiso zwakatiwa munamwi, zwili zwakabatilwa muTile nomuSidoni, ngana bakashanduka kale, bekambala masaka nokuguba ilota. 22 Koga ndinomubuja kuti kunooba kubhodo nezhuba lyokutonga kuTile neSidoni kupinda imwi. 23 Ani iwi Kapenaume, unoonyamulilwa kudenga na? Mane, unoosengwa pasi kuHadesi bugalo bwabakafa, nokuti zwishamiso zwakatiwa mwauli ngana zwakabatilwa muSodoma, ngana nasi ilipo. 24 Koga ndinoti kwamuli, nezhuba lyokutongwa kunooba kubhodo kunyika yeSodoma kupinda kwauli."