16 Akale ilingani, umwe wakezha kwaali eti, "Ndayiji, ngechipi chito chibuyanana chandingate kuti ndiwane bupenyu businopela?"
17 Wakati kwaali, "Ini undibhuza nezwibuya? Umwempela chete umbuya. Koga kana uda kungwina mubupenyu businopela, ilondota milawo."
18 Wakombhuza eti, "Ipi?"
Jesu wakashandula eti, "usibulaye, usipombole, usikwibe, usipe busumikiji boniepa, 19 lemekeja tate babo namai babo, akale ude umbakijani uwo sezwaunozwida iwi."
20 Unzhuzha wakati kwaali, "Yezwi zwose ndakazwitobeleja, ngezwipi zwandichinotaija?"
21 Jesu wakati kwaali, "Kana uda kupelelela, inda, unotengesa zwose zwauna nazwo akale upe basheti, unoba nefuma kudenga, uzhe, unditobele."
22 Unzhuzha paakawha yezwi wakabhuda yopo akahetela, nokuti wakaba akafuma kasakasa.
23 Jesu wakati kubalayijwa babe, "Chokomende ndinoti kwamuli, zwikukutu kuti unhu wakafuma engwine mubushe bokudenga. 24 Akale ndinomubuja, kuti zwilelu kuti ikamela ingwine mukabanga keneleti, kupinda kuti umfumi engwine mubushe bwaMwali."
25 Balayijwa pabakawha yezwi bakachenama kasa beti, "Ani biya angachijwa ndiani?"
26 Koga Jesu wakabalinga akati, "Kubanhu azwitotubulika, asi naMwali, zwose zwinhu zwinotubulika."