Mateo 24

Kuba Unshingi Ulobimbika kana Unshingi Usilobimbika

45 "Ndiani biya unshingi ulobimbika akale eli unchenjevu, wakapiwa unshingo wokulondota bashingi, kuti ebape zwokulya zwakakwelela kunabamwe bashingi nonshaji ulokwelela? 46 Ulokombolelwa unshingi yoyo unoti kana tezi eswika ongwane eta sokubujwa kukwe. 47 Chokomende ndinoti kwamuli, unoonta umbhati wefuma iye yose. 48 Koga kana yoyo unshingi umbi angoti nechomumoyo uwe, "Tezi wangu wajilwa kuzha, 49 akale kova etanga kuloba bashingikwaina, nokulya nokunwa nabakolwi, 50 tezi wonshingi yoyu unoozha nezhuba lyaasinoyeesela nonshaji waasinoziba, 51 unoompa chilango akale unoombiga nabachengeji, yoko banhu kubachabekwiila nokuziya meno."