Kulayija nezwemishingo mibuya
1 "Chenjelani kuta mishingo yenu mbeli kwabanhu kuti mubonwe naibo, amutowana indipilo inova kuna Tate benu baiko kudenga.
2 "Nezwo, kana mupa zwipo kubasheti, musilije lukwembo, sezwinotiwa nabachengeji mumasinagogo nomumigwagwa, betila kuti bekujwe nabanhu. Chokomende, ndinoti kwamuli, indipilo yabo bakaitambula kale. 3 Asi iwi, paunopa chipo chokubhancha, luboko lulwo lwechesho lusizibe kuti luboko lulo lwolulyi lukumutani, 4 kutila kuti kubhancha kukwo kube musiswa, akale Tate babo banobona zwimomusiswa banookupa indipilo yiyo."
Kulayija nezwomunamato.
(Luka 11:2-4)
5 Akale pamunonamata, amutokwelela kuba sabachengeji, banoda kuma benamata mumasinagogo nopalujibo lwemigwagwa, kuti bebonwe nabanhu. Chokomende ndinoti kwamuli, batambula kale indipilo yabo. 6 Koga paunonamata, ngwina mungumba yiyo, uzwikonyele, unamate kuna Tate babo musiswa, akale Tate babo, banobona zwomusiswa, ndibo banokupa indipilo yiyo.
Kulayija pezhulu pokulya.
16 "Akale pamunozwiminya kulya, musishetuluke sabachengeji, nokuti banonyangabala kumesho kwabo betila kubonwa nabanhu kuti bakumuzwiminya kulya. Chokomende ndinoti kwamuli, batambula indipilo yabo kale. 17 Asi kana uzwiminya kulya, shamba kumesho ugube mafuta munsholo, 18 kuti kuzwiminya kuko kulya kusibonwe nabanhu, koga naTate babo bomusiswa, akale Tate babo banobona musiswa, ndibo bachakupa indipo yiyo."
Ifuma yokudenga
(Luka 12:33,34)