25 Nokudalo ndomubuja kuti, lekani kuzwinyaja nezwobupenyu bwenu, zwokuti molyani, kana kuti monwani, kana nezwombili wenu zwokuti mombalani. Bupenyu abutobabukulwana kupinda zwokulya kana umbili kupinda zwokumbala na? 26 Lingani inyuni jedenga, ajitobyala akale ajitovuna, kana kubunganya mumakombana, koga Tate benu bokudenga banojichelela. Imwi amutodikana kujipinda na?
31 "Nokudalo musizwinyaje muti, tolyani akale tonwani kana kuti, tombalani?" 32 Nokuti bokuzhe banozwishaka zwose yezwi zwinhu, akale Tate benu bokudenga banozwiziba kuti mozwidabo zwose yezwi. 33 "Asi shakani bushe bwaMwali kutanga akale nobululami bubwe, zwose zwinhu yezwi zwinoba zwenu akale. 34 Nokudalo musizwinyaje nezwamangwana, nokuti lyamangwana linozwinyajila zwalyo. Lekeja injabulo jeelyo izhuba jizhulile yeelyo izhuba."