10 Ke mbee emwɛn olɔ, bee16.10 Yi-bu mboo yɛn Luk wu ákel ɔ̃nkaan wu, áyebvɔɔn ye Pool me ndɔɔ yi ayesuul ndɛ ke dzwɛ. eyii ebii k’eyi Maseduaan, ke ngwel wɛ bee éli y’okiool wɛn Nziã ŋ’ati bee mbel me ndɔɔ yi eyetsal Nsia yi Ngesɛ okɔ.
Ke Filipese, Lidi okaal ɔ̃kwal
11 Bee esam ãsua ke Telohas, bu eyɛn nzu-tɛ k’esanga ki Samotelase. Ŋ’etsi bviil, bee eyɛn Nehapolis. 12 Embal oŋɔ̃, bee eyɛn bviil li Filipese. Bviil olɔ eli li ɛ̃kwel li nsie yi Maseduaan, bvool eli ke nsɛn okwɛn o Lom. Bee esi ãtsoo ke kwɛ onse lɔ.
13 Me tsoo li saba, bee epal onse bviil me ndɔɔ yi eyi nku-a-nku a mvieel. Ke ngwel wɛ, bee éketsam wɛn okɔ ol’ekal ye mboo ãbuɛɛn m’Ayuda. Bee ebvi nsɛn, bu ebvi ɔ̃sam ota y’akaal b’ábvɔɔn ke mboo oyɔ. 14 Ngɔmɔ̃ onse akaal obɔ wɛn nkuũ Lidi, áli ɔ̃fi-bviil li Tiatiil. Ndɛ áketiɔ ankaã b’abvɛ-a-bvɛ b’abɛbɛ, bvool ákelweel Nziã. Ndɛ ákeyoo bee. Mfam odzweel ɔ̃kwal a ndɛ kwɛn ndɛ akal y’onkyab onse ãndɔɔ m’ékeyɛɛn Pool. 15 Ndɛ owel opongo ye yam e ndɛ lueel, ke mbee oŋɔ̃ ndɛ oti bee mbel ndiri: «Okɛɛn byɛ emwɛn wɛn taa-taa mɛ̃ nkiool Mfam, oŋɔ̃ eyebuo lɔɔ ola mɛ̃.» Ndɛ bu aywɛɛn bee k’ekiool.
Pool ye Silas onse bwal ke Filipese
16 Tsoo ngelemɔ̃, bee ékeyi mboo a ãbuɛɛn. Ɔ̃sal ngɔmɔ̃ wu ɔ̃kaal oyemwɛɛn ye bee. Ndɛ áli y’ɔ̃fel wu ɔ̃bi-ɔ̃bi wu ákesa kwɛn ndɛ ayɛɛn baal ãndɔɔ m’ãya. Amfam a ndɛ ákebɔɔ nzi bibi m’ãndɔɔ omɔ̃. 17 Ndɛ ákenɔɔn a bee, bee ye Pool, ákebiool ndiri: «Baal ba ali asal a Nziã-a-Mpuu! Bɔ asuo byɛ nkuul yi abɔɔ obvuul!»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)