Vichito 8

18 Pamenepo Simoni wadajhiwa kuti kwakwasanjika manja ya Atumwi yao akhulupilila alandila Mzimu Woyela. Chimwecho wamafuna kwaapacha ndalama Yohana ni Petulo, 19 niwakamba, "Munipache ni ine chinchijha mbhavu zimenezo, kuti kila mundhu uyo nimusanjika manja walandile Mzimu Woyela."

20 Nambho Petulo wadamuyangha, "Iwe ni ndalama zako mtaikile kutali, pakuti uganiza kuti ukhoza kugula mbhaso ya Mnungu kwa ndalama! 21 Iwe siudalamulidwe kuchita utumiki uwu, pakuti mtima wako siudavomelezeke pamaso pa Mnungu. 22 Chipano lapa machimo yako, ni upembhele kuti Ambuye akulekelele maganizo yako yoipayo. 23 Niona wajhala njhanje kupunda ni wamangidwa ni machimo."

24 Ndiipo Simoni wadaayangha Petulo ni Yohana, "Munipembhelele kwa Ambuye kuti pa yonjhe mwayakamba silidanikomana ata limojhi."