Mateus 11

हिमिछेकिङान भजारबा

20 काङ-काङ भजारला येशयि लेइराङ शक्तिशालि लाइतेबा क्याक्याइबा होतो, ख्युइ हतिबाला ङारतु च्युसोङ, खुँते हतिबे घ्योप्पा माकाइबालो। 21 "धिक्कार ख्योएला, ए खोराजिन! धिक्कार ख्योएला, ए बेथसेदा! चिचालानाना खि तिया क्याक्याबि शक्तिशालि लाइबा टुरोस राङ सिदोनला क्याइबा नाना हतिबे ख्युइ राङ पुवायि कोहिला कोन्दे कघि थाबे कुइरे घ्योप्पा क्याइछाराना।✝11:21 यशैया २३:१-१८; इजकिएल २६:१-२१ 22 हिन्नाङ ङा खेला नाज्याइ, ल अल भेयापयि ङिनला खेले केना ता टुरोस राङ सिदोनयि हालत लेइराङ कुइरे त्योएयाप हुन। 23 ए कफर्नहुम, च्हि ख्योए पान्नाङ थु धेकिनाइ च्हि? ख्योए हअलु थु ढिमङान ना। चिचालानाना ख्युइ तिया क्याक्याइबि शक्तिशालि लाइतेबा सदोमला क्याइबा नाना हति तिरिङयि ङिन थु लुइलुइबा होतोना।✝11:23 यशैया १४:१३-१५; उत्पत्ति १९:२४-२८ 24 हिन्नाङ ङा ख्योएला नाज्याइ, ल अल भेयापयि ङिनला ख्योएले ता सदोम मुलुयि हालत लेइ कुइरे त्योएयाप होङान ना।"