Mateus 16

फरिसि राङ सदुकियि सोढा

5 लोब्टुबा छो फारकानला क्योबितुइना हतिबे लोटा ख्योङ ज्याइ टाम्बा च्येङान ना। 6 येशुयि हतिबाला नाइसोङ, "ल क्याइरे ङ्योन, फरिसि राङ सदुकितेबे हुरस्युइने लोङयापने च्याङबो क्याइरे त्योए।" 7 हतिबा ख्होरे नाङला नारे क्याइसोङ, "हुइ लोटा माख्योबाइ, राङ ख्युइ धि च्वरा नानाइबा हिना।" 8 येशुयि धि हा:कोरे नाइसोङ, "ए हिछे टिझि किङानबा! खेला लोटा मेता नाइरे चिला खिरि नाङला नारे किन? 9 च्हि खे तरह हा:मिकुवा धुये? तोङ ङाहि चाला लोटा ङाहि ताम खेला तरह टाम्बा मेताइ? खि फुगो चोम रुरुबा होतो?✝16:9मत्ति १४:१७-२१ 10 तेहि तोङ स्यियि चाला फुगो चोम खि रुरुबा होतो?✝16:10 मत्ति १५:३४-३८ 11 तोङ स्यियि चाला लोटा तुन, राङ ङाहि खेला लोटायि भारेला नानाइबा माना नाइरे खे चिला हा:मिकुवा? हिन्नाङ फरिसि राङ सदुकितेबे हुरस्युइ लालाँने च्याङबो क्याइरे त्योए।" 12 तेहि हतिबे हा:कोरेलो, कि ख्युइ लोटायि हुइस्युइ लाँलाँङाने माना हिन्नाङ फरिसि राङ सदुकिबे सोढाने च्याङबो त्योए नानाइबा हिना।