Mateus 17

मोनलाम क्यासि खिमयि कर

24 जब हतिबा कफर्नहुमला लेप्ते, मोनलाम क्यासि खिमला कर तुइङानति पत्रुसयि तेहा लेप्ते नाइसोङ, "च्हि खि गुरुयि मन्दिरयि कर मिच्योङाइ?" 25 ख्युइ नाइसोङ, "हिना, च्योङकिन।" पत्रुस खिमयि नाङला स्युरे च्येला येशुयि खोला ताङला राङ नाइसोङ, "सिमोन, ख्युइ विचार च्हि होतो? पिरथिवियि क्यालबुइ मोनलाम क्यासि खिमयि कर वा कर सुने तुकिन? रेँ पिजाबाने कि स्यानतेबाने?" 26 "स्यानतेबाने," पत्रुसयि जवाक पिन्सोङ। येशुयि हतिला नाइसोङ, "हचु हिन्ना पिजाबाला छुट खुदु। 27 हिन्नाङ हतिबे हुने छिक्पा मि सायापयि चाला, छो छोम्मुवाला पुते झालि छ्यु, राङ ताङस्युवा थेथेबा ङ्या ख्याला। हति खा भि तुइना ख्योएला ङुलयि सिक्का झि खुङान ना। हति खेरते ख्योए राङ ङाहि चाला हतिबाला पिन।"