मत्ति 24

हिछे होएता यक्पुवा राङ हिछेमेते यक्पुवा

45 "हिछेकिङान राङ बुद्धि होएता यक्पुवा सुना, काङला हति ताक्पोयि रेँ प्येरायि यक्पुवाबाला थारे भेलाला ङ्योप्पा पिनोङ नाइरे लाइ कोकोइबा हुनाइ? 46 हति यक्पुवा ल ना, सुला ताक्पो हुइ तुइना हति च्वरा क्याक्याइबा ठेङान ना। 47 तेम्बारे, ङा खेला नाज्याइ, ताक्पोयि हतिला रेँ क्यु पोरोयि थोला जिम्मा क्यायाप धामङान ना। 48 हिन्नाङ तेम्बारे हति अल यक्पुवायि ‘ताक्पो पुला हुन नाइरे’ सम ला टान्ना, 49 राङ ङ्याबो लाइ किङान यक्पुवातेबाला क्याक्तु राङ स्यिस्यिया ङ्याबो सारु राङ थुङाला छेल ना, 50 हति यक्पुवायि ताक्पो हति माकुबि ङिन राङ विचार माक्याइबि ङिन होङान ना। 51 तेहि ताक्पोयि खोला तुबु-तुबु सोङान ना राङ हतिला समनाँतेबे उइला ढिमङान ना राङ, काँहा मितेबा ङुङान ना राङ सो चेङान ना।"