मत्ति 3

बाप्तिस्मा तेरङान युहन्नायी टाइक्ये

1 हति भेलालाराङ बप्तिस्मा तेराङान युहान्ना यहुदियायि च्याङ मेते साला लेप्सोङ, राङ जु नेन राङ टाइक्ये किताला छेलसोङ, 2 ख्युइ नाइसोङ, "रेँ तिक्पाने लक्ते सअ, चिचालानाना तेङलायि राज्य धुनला लेलेबा धु।" 3 चिचालानाना धि हतिराङ ना, काङयि भारेला ङोन्सेखिलङान यशैयायि जु नानाइबा होतो "च्याङ मेते साला क्ये छेया धोनङान झिकि क्ये, ‘कजसुबायि लाम तयार सोइ, ख्युइ लाम थारका सोइ।’"✝3:3 यशैया ४०:३ 4 युहान्ना उटयि पुइ कोहिला कोनिनलो, राङ केप्पाला पाबुइ कारा छिङिन। ख्युइ पानापाना राङ झङगलयि राहाङ सेनलो।✝3:4 २ राजा १:८ 5 यरुश्लेम भजार राङ यहुदिया पोरो, राङ यर्दनयि चाङबोयि फाला छुलुइ इलाकायि मि पोरो ख्युइ तेहा पुइसोङ, 6 राङ रेँ तिक्पा ङ्यानकिन राङ यर्दन चाङबोला ख्युइ लाम्ला बप्तिस्मा खेराला छेलसोङ।