Mateus 5

तेम्बारे किप्पो

3 "किप्पो आत्माला टाङना होएतातेबा, चिचालानाना तेङलायि राज्य हतिबे ना।" 4 किप्पो समतु किङानतेबा, चिचालानाना हतिबाला छिमा फिङान खुङान ना। 5 किप्पो टुङबोतेबा, चिचालानाना खेला पिरथिवि आङ खुङान ना। 6 किप्पो केवायि चाला टोपा तङान राङ खा कोकोमातेबा, चिचालानाना हतिबा खा ङोमङान ना। 7 किप्पो ङिङच्येङानतेबा, चिचालानाना खेला कजसुबाने ङिङ्च्ये खुङान ना। 8 किप्पो सम चाङमातेबा, चिचालानाना हतिबे कजसुबाला थोङान ना। 9 किप्पो ढिक्तु झ्युङानतेबा, चिचालानाना हतिबाला कजसुबायि सन्तन नाङान ना। 10 किप्पो केवायि चाला तुरि खुङानतेबा, चिचालानाना तेङलायि राज्य हतिबे ना।✝5:10 १ पत्रुस ३:१४ 11 "किप्पो ना खे, जब मितेबे ङाहि चाला खि फाला ताम नेन राङ तुरि तेरिन, राङ चुन नाइरे खि विरोधला कुरकुरु अल तामतेबा नाङान ना।"✝5:11 १ पत्रुस ४:१४ 12 हतितुइना सम को, राङ लेइराङ सम किप्पो कि, चिचालानाना तेङलाला खेला इनाम छेया खुङान ना। चिचालानाना धि च्वरा क्याइरे राङ खि ताङमे ङोन्सेखिलङानतेबाला हतिबे तुका पिपिना होतो।✝5:12 २ इतिहास ३६:१६; प्रेरित ७:५२