Mateus 6

25 हतिचाला ङा खेला नाज्याइ, "च्हि साज्याइ, च्हि थुङ ज्याइ नाइरे रेँ उयि चाला राङ ‘च्हि कोन ज्याइ’ नाइरे रेँ स्हुयि चाला चिन्ता माके। च्हि मिजे सायापले राङ स्हुयि कोहिलाले हा:छेया मानाइ?" 26 पान्नाङयि च्याचिउतेबाला तोइ। हतिबे न सावोन जुकिन, न भालि तुकिन, न कामला रुरे भोरिन, हिन्नाङ खि तेङलायि आकि खेला स्योमकिन। च्हि खे हतिबाले घोङ छेया मानाइ च्हि? 27 खि नाङने सुइ रेँ लो छाङ छारते मिजेयि टिझि भेला याङ थपि कि ङ्युइकिन? 28 "तेहि कोहिलायि चाला खे चिला समतु किन? थाङयि लिलि मिधोला तोइ, हति च्हिरु क्याइरे छारिन धुइ। हति न तुक्का किन, न-न थोउ च्योकिन। 29 हिन्नाङ ङा खेला नाज्याइ, सोलोमन क्याल:बो याङ रेँ ङोमला खि नाङने च्हि चोम याङ छाछाइबा मेतालो। 30 तिरिङ होएता राङ ङाइटो भुबाला ढिमङानयि चा कजसुबायि धि च्वरा क्याइरे घेबिन नाना, ए हिछे टिझि किङान बा, च्हि ख्योएला ख्युइ धिले याङ मा मिघेबाइ च्हि? 31 हतिचाला ‘च्हि साजाइ?’ कि च्हि थुङजाइ? कि ‘च्हि कोनज्याइ?’ नाइरे समतु माके। 32 चिचालानाना यहुदि मान्ते मितेबे धि पोरो फाकिन, राङ खि तेङलाला होएता आकि खेला धि पोरोयि कोइबा होतो नाइरे हा:कुन।✝6:32 लुका १२:३१ 33 हिन्नाङ ताङला ख्युइ कजसुबायि राज्य राङ ख्युइ पवित्रता फोए, राङ धि पोरो क्यु खि चाला थपिकिङान ना। 34 हतिचाला ङाइटुइ चाला समतु माके, चिचालानाना ङाटुइ ङिनयि चाला ङाइटो राङ समतु किङान ना। तिरिङयि तुक्का तिरिङयि चाला थारे ना।"