JOB 9

Job i givim ansa long Bildad

1 ✝ 9.1: Job 4.17 Nao Job i talem se,

2 "Yes,

mi mi save we ol samting ya i tru.

?Be sipos man i tekem God i go long kot

bambae hem i save win olsem wanem?*9.2: Narafala rod blong tanem tok long las haf blong vas ya i olsem. ?Be man i save kam stret man long fes blong God olsem wanem?

3 Sipos man i wantem rao wetem God,

bambae God i save askem plante taosen kwestin long hem

we hem i no save givim ansa long olgeta.

4 God i waes we i waes,

mo hem i gat paoa.

I no gat man i save agensem hem,

gogo i winim hem.