Hoseya 3

Hoseya yiyuzuza n’umugore wiwe

1 Uhoraho arambwira ati: "Genda, usubire wereke urukundo umugore wawe, naho akundwa n’uwundi mugabo kandi akaba umusambanyikazi. Umukunde nk’uko Uhoraho akunda Abisirayeli, naho bahindukirira izindi mana bagakunda udutsima tubumbiwe izo mana mu nzabibu."

2 Nuko ndamugura shekeli cumi na zitanu*3:2 Ni nk’amagarama 170. z’ifeza n’ingero homeru na leteki*3:2 Ingero homeru na leteki ziri hamwe zapima nk’ibilo 195. vya sayiri. 3 Hanyuma nca ndamubwira nti: "Uzobana nanje imisi myinshi; ntuzosubire kuba maraya canke ngo wongere kuryamana n’uwundi mugabo n’umwe, nanje nzobana nawe gutyo nyene."

4 Ni ukuvuga ko Abisirayeli bazobaho imisi myinshi ata mwami canke umuganwa bafise, ata bimazi canke inkingi, ata efodi canke ibigirwamana. 5 Inyuma y’ivyo Abisirayeli bazogaruka biyegurire Uhoraho Imana yabo no kuri Dawidi umwami wabo. Kandi mu misi ya nyuma, bazoza k’Uhoraho no ku migisha yiwe bahindishwa agashitsi no kugira neza kwiwe.