Marcos 10

4 Ɓa gna, "Mwusa ɓə la ye nge zanugbayi wo ka nyakaɓəgbmi mwulawu nya ga əwo nyikwo jesnu wa wo nya ya."

5 Yeisu wa dnaɓəgbe, "Ntu əfye adu akalákpe ɓo nu, cenu ɓə zhni Mwusa wa ka owa ye ga fye. 6 Ama n aɓoyayaba, Shekwoyi, ‘ɓə zhni ɓa zanugbai n nyikwozai nu.’ 7 Ntu dəye ɓo, zanugbayi ɓa fa əwo dada n əwo əyai jesnu wa nyima əwo nyikwo, 8 jesnu əɓa ngwnu-aba ɓa ɓə kwu zè nayi gbmanyi, ntulonu ɓa to ye zhni ngwnu-aba nu m, ama nayi gbmanyi. 9 Ntucenu ənya ń Shekwoyi n la cigyido, zahozahoyi to gna kwo ajeya m."