1 Ami ado mbʌk ubon Isọ (a-adooho Edọm).

2 Isọ akedat ibaan amọ ke atu ibaan Kenan: Ada, ayịn awonwaan Elọn, a-akedooho awo Hed, ye Oholibama ayịn awonwaan Ana a-akedooho ayeyịn Sibiọn a-aketooho Hif, 3 akọrọ ye Basemad ayịn awonwaan Ismeel a-akenyʌññọ ado ayịneka ye Nebaiyọd.

4 Ada amaaman Elifas anọ Isọ, Basemad aman Rewel, 5 Oholibama amaanyʌñ aman Yeus, Yalam ye Kora. Mbon ami ekedoñño nditọ ideen Isọ, e-ekemanna enọ anye ke Kenan.

6 Isọ amaaben ibaan amọ ye nditọ amọ ideen ye ibaan ye afịd mbon ufọk amọ, akọrọ ye ufene amọ ye mme unam mfen ye afịd mme ñkpọ se anye akenie ke Kenan, anyʌñ adakka akaa isọñ akesannake akpọñ ayịneka amọ Yekọb. 7 Mme ñkpọ se ammọ ekenie emaenekke ewak akan se ammọ ekpedʌñọ keed; sia isọñ a-ammọ ekedʌñọke ikpikemme ammọ awo iba ke ntak ufene ammọ. 8 Ndin Isọ (a-adooho Edọm) amaakedʌñ ke abod abio Sei.

9 Ami ado mbʌk ubon Isọ a-akedooho ete mbon Edọm ke abod-abod abio Sei.

10 Mme anyịñ nditọ ideen Isọ edo ami:

Elifas, ayịn awodeen anwaan Isọ, Ada, ye Rewel, ayịn anwaan Isọ, Basemad.

11 Nditọ ideen Elifas ekedoñño:

Teman, Ọma, Sefo, Katam ye Kenas. 12 Ayịn Isọ, Elifas, amaanyʌñ anie anwaan esa a-akekereke Timna a-akemanna Amalek anọ anye. Mbon ami ekedo ideen nditọ ayeyịn Ada, anwaan Isọ.

13 Nditọ ideen Rewel ekedoñño:

Nahad, Seera, Sama ye Misa. Mbon ami ekedoñño nditọ ayeyịn Basemad anwaan Isọ.

14 Nditọ ideen Oholibama, anwaan Isọ a-akedooho ayịn awonwaan Ana ye ayeyịn Sibiọn, a-anye akemanna anọ Isọ ekedoñño:

Yeus, Yalam ye Kora.

15 Mbon ami ekedoñño mbọọñ ke atu ubon Isọ:

Nditọ ideen Elifas, akpan Isọ:

Mbọọñ Teman, Ọma, Sefo, Kenas, 16 Kora, Katam ye Amalek. Mbon ami ekedo mbọọñ e-eketooho Elifas ke Edọm; ammọ ekedo nditọ ayeyịn ideen Ada.

17 Nditọ Rewel, ayịn Isọ:

Mbọọñ Nahad, Seera, Sama ye Misa. Mbon ami ekedo mbọọñ e-eketooho Rewel ke Edọm; ammọ ekedo nditọ ayeyịn ideen Basemad anwaan Isọ.

18 Nditọ ideen Oholibama, anwaan Isọ ekedoñño:

Mbọọñ Yeus, Yalam ye Kora. Mbon ami ekedoñño mbọọñ e-eketooho Oholibama anwaan Isọ a-akedooho ayịn Ana.

19 Mbon ami ekedo nditọ ideen Isọ (a-adooho, Edọm), ammọ ekenyʌñ edo mbọọñ ammọ.

20 Mbon ami ekedoñño nditọ ideen Sei a-akedooho awo Hori, e-ekedʌñọke ke isọñ ado:

Lotan, Sobal, Sibiọn, Ana, 21 Disọn, Esa ye Disan. Nditọ ideen Sei ke Edọm ekedoñño mbọọñ Hori.

22 Nditọ ideen Lotan ekedoñño:

Hori ye Homam. Timna akedo ayịneka awonwaan Lotan.

23 Nditọ ideen Sobal ekedoñño:

Alfan, Manahad, Ebal, Sefo ye Ọnam.

24 Nditọ ideen Sibiọn ekedoñño:

Aiya ye Ana. (Ana ami akedo awo a-akekekịtte mme ufiob idịm ke akpautatan ke ini anye akekpemeke mme dọñki ete amọ ke Sibiọn.)

25 Nditọ Ana ekedoñño:

Disọn ye Oholibama, ayịn awonwaan Ana.

26 Nditọ ideen Disọn ekedoñño:

Hemdan, Esban, Itran ye Keran.

27 Nditọ ideen Esa ekedoñño:

Bilhan, Saafan ye Akan.

28 Nditọ ideen Disan ekedoñño:

Us ye Aran.

29 Mbon ami ekedoñño mbọọñ Hori:

Lotan, Sobal, Sibiọn, Ana, 30 Disọn, Esa ye Disan.

Mbon ami ekedoñño mme mbọọñ Hori akeene mme ikpeghe ammọ ke isọñ Sei.

31 Mme ndidem se ikikara Edọm mbemiso awo Isrel ndomokeed adikara ekedoñño ami:

32 Bela ayịn Beo amaado adidem ke Edọm. Abio amọ akekere Dinhaba.

33 Bela akekpa, Yobab ayịn Seera a-aketooho Bosra amaadat itie amọ nte adidem.

34 Yobab akekpa, Husam a-aketooho isọñ Teman amaadat itie amọ nte adidem.

35 Husam akekpa, Hadad ayịn Bedad, a-akekanna Midian ke idịd Mọb, amaadat itie amọ nte adidem. Abio amọ akekere Aafịd.

36 Hadad akekpa, Samla a-aketooho Masreka amaadat itie amọ nte adidem.

37 Samla akekpa, Sọọl a-aketooho Rehobod ke mben inyañ amaadat itie amọ nte adidem.

38 Sọọl akekpa, Baal-Hanan ayịn Akbọ amaadat itie amọ nte adidem.

39 Baal-Hanan ayịn Akbọ akekpa, Hadad amaadat itie amọ nte adidem. Abio amọ akekere Pau, ndin anyịñ anwaan amọ akedo Mehetabel ayịn, awonwaan Matred, ayịn awonwaan Me-Sahab.

40 Mbon ami edo anyịñ mme mbọọñ e-eketooho ubon Isọ ke ubonoñkpọ ekpək ye ñkanñkʌk abio ammọ:

Timna, Alfa, Yeted,

41 Oholibama, Ela, Pinọn,

42 Kenas, Teman, Mibsa,

43 Makdiel, ye Iram.

Mbon ami ekedo mme mbọọñ ke Edọm, akeene mme itieidʌñ ammọ ke isọñ a-ammọ ekedʌñọke.

Ami ado udịm ubon Isọ, ete mbon Edọm.