4 "तूह हांढ एरुशलेम सारी नगरी, संघा ला तिन्‍नां सोभी मणछे माथै नछ़ैण ज़ुंण नगरी दी हंदै च़िल़्हखरै कामां पिछ़ू दुखी हआ तै अर शोग मनाऊंआं तै।"✝9:4 प्रका. 7:3; 9:4; 14:1

5 हुंह त शूणअ लागअ द, तेतरी बोलअ परमेशरै तिन्‍नां मारनै आल़ै छ़हा मणछा लै, "तम्हैं डेओआ नगरी दी एऊ पिछ़ू-पिछ़ू संघा पाऐ कदुष्ट मणछा मारी। तिन्‍नां मांझ़ै निं एक बी ज़िऊंदै छ़ाडी, नां कहा लै झींण करी। 6 तिंयां च़ाऐ खारकै होए, च़ाऐ प्रोढै, शोहरी होए च़ाऐ बेटल़ी, तिन्‍नां पाऐ सोभी मारी। पर तिन्‍नां निं पेऊश बी दैई लागणै ज़सरै माथै काईथै सैही करै नछ़ैण आसा लाअ द। मारने शुरूआत करा तम्हैं इधी मेरै भबना पोर्ही।" तिंयां लागै तिधी पोर्ही मारदै। सोभी का आजी मारै तिन्‍नैं नगरीए सैणैं ज़ुंण तिधी बिधाते भबना आजू आसा तै।