मूल़ 3

17 तेऊ आदमी लै बोलअ बिधाता इहअ,

"आपणीं बेटल़ीए ज़ाणैं लागी

खाअ तंऐं तेऊ बूटो फल़

ज़ेता खाणां लै मंऐं ताल्है नांईं किअ त।

तेरै एऊ कर्मा पिछ़ू लागअ

धरती लै फिटक,

ताह लागणअ सारी अमरा

दुख भुगती करै एते पज़ैआ खाणीं।✝3:17 इब्रा. 6:8

18 ताह लागणअ खेचै खटी करै

आपणअ पेट भरनअ,

पर धरती पज़ेरनै ताल्है बाण-भेखल़।

19 ताह लागणीं ज़िऊंणां लै

खास्सी मैन्थ करनी।

ज़िहअ तूह मंऐं

माट्टै का आसा बणाअं द,

खिरी डेऊणअ तूह

तेऊ ई माट्टै जैंदरी।"