Isaías 40

28 तम्हां का थोघ निं आथी? तम्हैं कधि निं शूणअ?

परमेशर बिधाता आसा अटल़,

सारअ संसार आसा तेऊ बणाअं द।

सह नां थकदअ अर नां तेऊओ शाह फुलदअ।

तेऊए सोठ निं कोहै कधि समझ़ी सकदअ।

29 सह दैआ तिन्‍नां लै बल ज़ुंण दुबल़ै अर थकै दै आसा।

30 खारकै मणछ सका थकी, तिन्‍नों सका शाह फुल्‍ली अर

तिंयां सका धरनीं बधल़ूई,

31 पर ज़ुंण बिधाते आसरै रहा, अर ज़ुंण तेऊ का मज़त मांगा,

तिन्‍नां भेटणअ ताज़अ ज़ोर।

तिन्‍नां लागणै मुक्षरलै ज़िहै नऊंऐं फैंख,

तिन्‍नां बाहणीं ठुहर पर तिन्‍नों शाह निं फुलणअ,

तिंयां निं हांढी-हांढी बी दुबल़ै हणैं।"