2 Reis 2

Ìwòsàn omi

19 Àwọn ọkùnrin ìlú wí fún Eliṣa, pé, "Wò ó, olúwa wa, ìtẹ̀dó ìlú yìí dára, gẹ́gẹ́ bí ẹ ti rí i, ṣùgbọ́n omi náà burú, ilẹ̀ náà sì sá."

20 Ó sì wí pé, "Mú àwokòtò tuntun fún mi wá, kí o sì mú iyọ̀ sí inú rẹ̀." Wọ́n sì gbé e wá fún un.

21 Nígbà náà ó sì jáde lọ sí ibi orísun omi, ó sì da iyọ̀ sí inú rẹ̀, ó wí pé, "Èyí ni ohun tí Olúwa wí: ‘Èmi ti wo omi yìí sàn. Kò ní mú ikú wá mọ́ tàbí mú ilẹ̀ náà sá.’ " 22 Omi náà sì ti dára ni mímu títí di òní, gẹ́gẹ́ bí ọ̀rọ̀ tí Eliṣa ti sọ.