Josué 1

O Isus Navin zamenil e Mojsija

1 Posle kana mulo o Mojsije, o sluga e GOSPODESKO, o GOSPOD phendas e Isuse Navinešće, e Mojsiješće pomoćnikošće: 2 "Mungro sluga o Mojsije mulo. Zato akana ušti, tu thaj sa o them, te naćhes pe okoja rig e reka jordanošći, ande phuv savi dava e Izraelconenđe. 3 Dava tumen svako than kaj ačhena tumare pungresa, sago kaj obećisardem e Mojsiješće. 4 Tumari phuv avela katar e pustinja po jugo dži ko Liban po sever thaj katar e bari reka Eufrat po istok – kroz e sasti phuv e Hetitonenđi – dži ko Baro more po zapad. 5 Dok san džudo khonik našti te oduprila pe tuće. Sago kaj semas e Mojsijesa gajda avava vi tusa: Nikad či napustiva tut niti mukava tut.

6 Av zuralo thaj hrabro, kaj tu inđareja akale themes te zauzmil e phuv pale savi halem solah lenđe pradadenđe kaj dava len. 7 Samo av zuralo thaj but hrabro. Inćar sa o Zakon savo dija tut mungro sluga o Mojsije. Na duljo lestar ni levo ni desno, te aves uspešno kaj god te džas. 8 Neka uvek avel tuće pe vuš e alava andar akaja Knjiga e zakonešći. Đes thaj rjat gndisar lendar, te šaj pomno ćeres sa so si ramome ando zakon. Askal avela tuće lačhe thaj aveja uspešno.

9 Zapovedisardem tuće: ‘Av zuralo thaj hrabro.’ Na dara thaj na obeshrabri tut, kaj o GOSPOD, ćiro Del, avela tusa kaj god te džas."

E Izraelcurja obećin kaj paćana e Isuse Navine

10 O Isus Navin zapovedisardas e themešće nadglednikonenđe: "Naćhen kroz o tabor thaj phenen e themešće: 11 ‘Spremin tumenđe hamasko. Pale trin đes naćhena e reka jordanošći te osvojin e phuv savi del tumen tumaro GOSPOD o Del te avel tumari.’ "

12 O Isus Navin phendas e themešće andar e Ruvimesko, Gadesko thaj opaš e Manasijesko pleme: 13 "Den tumen gođi ke zapovest savi dija tumen o Mojsije, o sluga e GOSPODESKO. O GOSPOD tumaro Del, del tumen odmor thaj dija tumen akaja phuv. 14 Tumare romnja, tumare čhavra thaj tumari stoka šaj ačhen ande phuv savi o Mojsije dija tumen katar akaja istočno rig e reka jordanošći. Ali sa tumen, ratnikurja, moraš naoružime te teljaren angle tumare phral thaj te pomognin lenđe 15 dok o GOSPOD či del vi len odmor sago vi tumenđe thaj dok vi von či osvojin e phuv savi del len o GOSPOD, tumaro Del. Posle godova šaj bolden tumen thaj zauzmin tumari phuv savi dija tumen o Mojsije, o sluga e GOSPODESKO, vi katar akaja istočno rig e reka jordanošći."

16 Von phendine e Isuse Navinešće: "Ćerasa sa so zapovedisardan amenđe thaj džasa kaj god te bičhales amen. 17 Sago kaj ande sa čhutam kan ko Mojsije, gajda čhasa kan vi tute. Samo neka o GOSPOD ćiro Del avel tusa sago kaj sas e Mojsijesa. 18 Ko god uštel protiv ćire zapovesti thaj či čhol kan ke ćire alava so god te zapovedis lešće, avela mudardo. Samo av zuralo thaj hrabro."